როგორ ხდება პასპორტის განახლება, თუ პირი საზღვარგარეთ იმყოფება?

როგორ ხდება პასპორტის განახლება, თუ პირი საზღვარგარეთ იმყოფება?

საქართველოს მოქალაქის ბიომეტრიული პასპორტის განმეორებით აღება, შეუძლია საზღვარგარეთ, ნებისმიერ ქვეყანაში მყოფ პირს. ბიომეტრიული პასპორტი  შეიძლება განმეორებით აიღოს საქართველოს მოქალაქემ, რომელსაც ერთხელ მაინც აუღია შესაბამისი ბიომეტრიული დოკუმენტი და ბიომეტრიული პასპორტის, განმეორებითი გაცემის  რეგისტრაციისთვის შეიძლება გამოყენებულ იქნეს სამინისტროს ბაზაში უკვე არსებული ბიომეტრიული ინფორმაცია, რომლის გამოყენებაც შესაძლებელი იქნება ხელმეორედ, კანონით დადგენილი  წესით.

საზღვარგარეთ მყოფ პირს, საქართველოს  იუსტიციის სამინისტროს  ვებგვერდის, ონლაინ სერვისის საშუალებით შეუძლია აიღოს ბიომეტრიული პასპორტი, თუ მოქალაქის ბიომეტრიული პასპორტი ვადაგასულია, დაზიანებულია, დაკარგულია, ან დოკუმენტში ინფორმაცია შეცდომით არის დატანილი.

პროცედურა შემდეგია: „შევდივართ საქართველოს იუსტიციის სამინისტროს ვებგვერდზე - my.gov.ge და ვირჩევთ ფანჯარას - ბიომეტრიული პასპორტის განმეორებითი გაცემა; შემდეგ ვხსნით + "ახალი განაცხადი" და  ვავსებთ განაცხადს პერსონალური ინფორმაციით." განაცხადის რეგისტრაციაზე დათანხმების შემდეგ, ვიდეო ზარით, სკაიპის მეშვეობით, გიკავშირდებათ იუსტიციის სამინისტროს ოპერატორი და მიჰყვებით მის მითითებებს.

გარდა ონლაინ მომსახურებისა, ბიომეტრიული პასპორტის მისაღებად ასევე, შეგიძლიათ ისარგებლოთ, საქართველოს საკონსულოს მომსახურების სერვისით, თუმცა, ამ შემთხვევაში აუცილებელია, საკონსულოში ვიზიტზე ჩაწერა და განაცხადის გასაკეთებლად საკონსულოში პირადად წარდგენა. 
სხვა დეტალური ინფორმაციისთვის, იხილეთ იუსტიციის სამინისტროს ვებგვერდი, ან მიმართეთ საკონსულოს.

ფიქრია წვერავა

იტალია, რომი