ბერძენი დედა 5 წელი მალავდა 7 წლის შვილის მკვლელობას და ცხედარს სახლის აივანზე ინახავდა - შემზარავი ამბის დეტალები

შემზარავი შემთხვევა მოხდა ათენში. ბერძენი დედა 5 წლის განმავლობაში მალავდა საკუთარი 7 წლის შვილის გარდაცვალების ამბავს, მისი ცხედარი კი მთელი ამ დროის მანძილზე სახლის აივანზე ჰქონდა გადამალული.

საბერძნეთის პოლიციამ, დღეს 5 წლის წინ გაუჩინარებული 7 წლის ბავშვის დედის და მისი პოლონელი მეგობარი კაცის საცხოვრებელი სახლის ჩხრეკისას, აივანზე, ცემენტით აშენებულ, ყუთის ფორმის სამალავში მოთავსებული ბავშვის ცხედარი აღმოაჩინა.

გავრცელებული ინფორმაციით, დედა მთელი ამ დროის მანძილზე ირწმუნებოდა, რომ ბავშვი ბიოლოგიურ მამასთან ერთად, მამის მშობლიურ ქვეყანაში ცხოვრობდა.

შემზარავია დეტალები, რომელიც ცხადყოფს თუ როგორ გარდაიცვალა 7 წლის ბავშვი.

ბერძენი დედის პოლონელი მეგობარი კაცი, გამოირჩეოდა მისი საყვარელი ქალის ბავშვების მიმართ განსაკუთრებული სიმკაცრით და დასჯის სასტიკი მეთოდებით. ბავშვები სკოლაშიც ხშირად შეუმჩნევიათ სასტიკად ნაცემ მდგომარეობაში.

როგორც ირკვევა, პოლონელი კაცი, გამოწვეული ხმაურის გამო გაუბრაზდა 7 წლის ბავშვს და  მისი დასჯა გადაწყვიტა. ბავშვი საიზოლაციო ლენტით ისე დააბა, რომ 7 წლის მოზარდი, უჰაერობით გარდაიცვალა.

არსებული ინფორმაციით, ამ დროს დედა იმავე ოთახში იჯდა და კომპიუტერს თამაშობდა. 

ბავშვის გარდაცვალების შემდეგ, პოლონელმა კაცმა დედას უთხრა რომ ამ საქმეს თავად მოაგვარებდა. 

34 წლის კაცმა, სახლის აივანზე ააშენა ცემენტის პატარა "სამარხი" სადაც ბავშვის ცხედარი მოათავსა. როგორც ცნობილია მანამდე ბავშვის ცხედარი საოჯახო ხელსაწყოების ყუთში ჰქონდათ დამალული.

რამდენიმე დღის წინ, საბერძნეთის პოლიციას მიაწოდეს ინფორმაცია, რომელმაც ნათელი მოჰფინა ბავშვის გაუჩინარების ამბავს. 

ბერძენი დედა და მისი მეგობარი კაცი დაკავებულები არიან და მათ ჩადენილი დანაშაული უკვე აღიარეს. 

ასევე საინტერესოა 

🔴ათენის პოლიციამ, 30 უცხოელი "ჯიბის ქურდი" დააკავა

🔴სკანდალური ვიდეო TikTok-ზე ბოშები საბერძნეთის პოლიციის მანქანის კაპოტზე ცეკვავენ

🔴საბერძნეთმა შეამსუბუქა ქვეყანაში შესვლის რეგულაციები საქართველოსთვის და ევროკავშირის არაწევრი სხვა 32 ქვეყნისთვის