"ჩვენ ამ ქალაქის აღდგენაში დაგეხმარებით, იმისათვის, რომ ის კიდევ უფრო ლამაზი, კიდევ უკეთესი გახადოთ" - ნიკოს დენდია ოდესაში ვიზიტის დროს

საბერძნეთის საგარეო საქმეთა მინისტრი, ნიკოს დენდია,  გუშინ ოდესაში ჰუმანიტარული დახმარების ჩატანის მისიით ჩავიდა. 

ოდესაში ის შეხვდა, საბერძნეთში მცხოვრები ბერძნული საზოგადოების წარმომადგენლებს უკრაინის ოფიციალურ პირებს, მათ შორის უკრაინის ვიცე-პრეზიდენტს.  

მან კიდევ ერთხელ ხაზგასმით აღნიშნა, რომ საბერძნეთის მთავრობა პრემიერ-მინისტრის კირიაკოს მიცოტაკისს ხელმძღვანელობით მხარს უჭერს უკრაინას და განაცხადა, რომ ოდესას უთუოდ ნათელი მომავალი ექნება. „ამ რთულ დროს, ერთადერთი, რისი თქმაც შემიძლია  არის ის, რომ ჩვენ  ამ მომავლის ნაწილი გავხდებით და  ამ ქალაქის აღდგენაში დაგეხმარებით, იმისათვის, რომ ის კიდევ უფრო ლამაზი, კიდევ უკეთესი გახადოთ“, - განაცხადა ნიკოს დენდიასმა. 

ნიკოს დენდიასი ასევე  ოდესის რეგიონალური სამხედრო ადმინისტრაციის ხელმძღვანელს, პოლკოვნიკ მაქსიმ მარჩენკოს შეხვდა.

„ოდესას ჩვენთვის დიდი ისტორიული მნიშვნელობა აქვს. შესაბამისად,ამ  ქალაქისა და მისი მოსახლეობის მომავალი ჩვენი ისტორიის, ჩვენი წარსულის ნაწილია და ვიმედოვნებთ, რომ ის ჩვენი საერთო მომავლის ნაწილიც იქნება“, - განაცხადა ნიკოს დენდიასმა მასთან საუბრისას სადაც ასევე აღნიშნა, რომ საბერძნეთი არის ნატოსა და ევროკავშირის წევრი ქვეყანა, რომელიც ორივე ორგანიზაციის ფარგლებში უკრაინას ყველა შესაძლო დახმარებას უწევს.

საბერძნეთის საგარეო საქმეთა მინისტრმა, მწუხარება გამოხატა ასევე 3 აპრილს, ოდესის ტერიტორიაზე განხორციელებული სარაკეტო თავდასხმის გამო.

„ჩვენი აზრით, ქალაქზე თავდასხმა ყველაზე მიუღებელია, ეს არის ომის დანაშაული"- აღნიშნა მან და პირობა დადო, რომ ევროკავშირის მინისტრთა საბჭოს გადასცემს "იმას რაც უნდა გადაიცეს!".   

ნიკოს დენდიამ ოდესაში ყვავილებით შეამკო მეგობართა ფიცის ძეგლი.

ასევე საინტერესოა

🔷რუსი ოკუპანტების შეჭრა უკრაინაში - აქცია და კონტრაქცია ათენში (ფოტოკოლაჟი)

🔷საბერძნეთის საგარეო საქმეთა მინისტრი, დღეს უკრაინაში ჰუმანიტარული დახმარების ჩატანის მისიით გაემგზავრა

🔷საბერძნეთში უკრაინიდან 16000 -ზე მეტი ლტოლვილი ჩავიდა