ხვალ საბერძნეთში ქვეყნის დამოუკიდებლობის დღეს და ხარებას ზეიმობენ

25 მარტი განსაკუთრებული თარიღია ბერძნულ კალენდარში, რადგან ის აერთიანებს ერთდროულად ორ დიდ დღესასწაულს - ხარებას და დამოუკიდებლობის დღეს. 

ამ ორ დღესასწაულს - დამოუკიდებლობის დღეს და ხარებას - ერთმანეთთან უფრო მჭიდრო კავშირი აქვს, ვიდრე ეს ერთი შეხედვით შეიძლება ჩანდეს. სიმბოლურია, რომ ეს თარიღი ბერძნებისთვის ერთ-ერთ მთავარ ეროვნულ დღესასწაულად იქცა.

1821 წელს, 25 მარტს, საბერძნეთის ქალაქ პატრას მიტროპოლიტმა გერმანოსმა, ოსმალეთის უღლის წინააღმდეგ  ეროვნული აჯანყების ბერძნული დროშა აკურთხა.

მას შემდეგ, საბერძნეთის დამოუკიდებელ სახელმწიფოდ გამოცხადებამდე, 11 წლიანი სისხლიანი ბრძოლა მიმდინარეობდა.

1838 წლის 15 მარტს, საბერძნეთის მეფე ოტონის (Όθων) გადაწყვეტილებით,  25 მარტი საბერძნეთის ეროვნული დამოუკიდებლობისთვის ბრძოლის დაწყების დღედ გამოცხადდა. 

საბერძნეთის დამოუკიდებლობის დროშა, რომელიც მიტროპოლიტ გერმანოსმა აკურთხა, იყო თეთრი ქსოვილი, შუაში ლურჯი ჯვრით. ის მალე, საბერძნეთის ოფიციალური დროშად მიიღეს და დღემდე გამოიყენება საბერძნეთის საზღვაო ძალების მიერ. 

რაც შეეხება ქვეყნის დანარჩენ სტრუქტურებს, რამდენიმე ათეული წლის წინ ისინი გადავიდნენ ბერძნული დროშის  ჩვენთვის კარგად ცნობილ ვერსიაზე,  რომელსაც ცხრა ცისფერი და თეთრი ზოლები დაჰყვება, მარცხენა ზედა კუთხეში კი თეთრი ჯვარია გამოსახული. 

დღესდღეობით, ხარების და დამოუკიდებლობის დღე საბერძნეთში ძალიან ფართოდ აღინიშნება. მთელი ქვეყნის მასშტაბით აღლუმები იმართება, რომელშიც  ყველა სკოლის მოსწავლეები იღებენ მონაწილეობას. სკოლის მოსწავლეები დგამენ ასევე  სპექტაკლებს  ბერძნულ-თურქულ თემაზე  და ასრულებენ პატრიოტულ სიმღერებს. 

ამ დღეს ბერძნები ტრადიციულად ვირთევზას და "სკორდალიას" ამზადებენ (ნივრის და კარტოფილის  პიურე).  

ასევე საინტერესოა

🔷ის პირველი ევროპელი ჩინოვნიკია, რომელმაც გადაწყვიტა,  მხარი დაუჭიროს ჩვენი ჰუმანიტარული დერეფნების მუშაობას მარიუპოლში - ზელენსკი, საბერძნეთის საგარეო საქმეთა მინისტრს მადლობას უხდის

🔷საბერძნეთში, ხორცის, ბოსტნეულის და პურის ფასი სავარაუდოდ კიდევ უფრო გაიზრდება

🔷საბერძნეთში, ძიძის ვაკანსიაზე გასაუბრებაზე მისული 18 წლის გოგო სექსუალური ძალადობის მსხვერპლი გახდა