საბერძნეთში, ხორცის, ბოსტნეულის და პურის ფასი სავარაუდოდ კიდევ უფრო გაიზრდება

აუცილებელ და ყველაზე მოხმარებად პროდუქტებზე ფასების ზრდის გამო, სააღდგომო სუფრის მომზადება საბერძნეთის მოსახლეობას, კიდევ უფრო ძვირი დაუჯდება. 

უკრაინის ომის შედეგად გამოწვეული კრიზისის გამო, ხორცის, ბოსტნეულის,  ტკბილეულის და პურპროდუქტების ფასები სავარაუდოდ, კიდევ უფრო მოიმატებს. 

როგორც ცნობილია, ფრინველისა და ღორის ხორცის ფასმა 10-20% -ით მოიმატა. გაიზარდა ცხვრის ხორცის ფასიც, თუ იანვარში ერთი კილოგრამი დაახლოებით, 8 ევრო ღირდა, ახლა  მისმა ფასმა 10  ევროს გადააჭარბა. 

ამავდროულად 15%-ით გაიზარდა ცომეულისა და საკონდიტრო ნაწარმის ფასიც.   

თვალსაჩინოებისთვის გადახედეთ, ტელეკომპანია MEGA- ს რეპორტაჟის მიხედვით, პურის ფასებს საბერძნეთის ტერიტორიებზე.

ოლიმპია - 2,60 € (გასულ შაბათს 1,80 ევრო ღირდა)

მილა - 2,50 ევრო

სერეს - 2,40 ევრო (იყო - 1,80 )

პირგოს ილიას - 2,40 ევრო

ნავპაქტოს - 2.40 ევრო ( ღირდა 2 ევრო)

ამფილოხია - 2.40 ევრო

პატრა - 2 ევრო  

გაზრდილი ფასები პირველადი მოხმარების პროდუქტზე :

სპაგეტის ფასი -  0,94-დან 1,04 ევრომდე გაიზარდა, ბერძნული ყავის (96გრ) 1,60-დან - 1,68 ევრომდე, მზესუმზირის ზეთი (1 ლიტრი)  3,58-დან 3,76 ევრომდე ღირს. დაჭრილი ტოსტის ყველის ფასმა  2,72-დან - 2,78 ევრომდე მოიმატა. ექვსი კვერცხი 2.09-დან  - 2.29 ევრომდე  ღირს. ერთი კილოგრამი ქათამის ხორცის ღირებულება 3,23-დან 3,43 ევრომდე გახდა. 500 მლ. ჭურჭლის სარეცხი სითხის ფასი  -  1,30-დან 1,46 ევრომდე გაიზარდა. 

ასევე საინტერესოა

🔷საბერძნეთში, ძიძის ვაკანსიაზე გასაუბრებაზე მისული 18 წლის გოგო სექსუალური ძალადობის მსხვერპლი გახდა

🔷საბერძნეთში, 15 აპრილიდან 60 წელს გადაცილებულ არავაქცინირებულთათვის 100 ევროს ოდენობის ჯარიმა უქმდება

🔷საბერძნეთში, ციხის საკანში გარდაცვლილი იპოვეს 33 წლის კაცი, რომელმაც პარტნიორი ქალის, 7 წლის შვილი მოკლა და მის სხეულს 5 წელი აივანზე მალავდა