"კოშმარული ღამე კრეტაზე" - ძლიერი ხანძრის გამო ექვსი დასახლებული პუნქტი ევაკუირებულია

ბერძნული მედიის ცნობით, სტიქია მძვინვარებს კრეტაზე - ხანძრის გამო ექვსი დასახლებული პუნქტი ევაკუირებულია.

ადგილობრივი მედიის ცნობით, ამ დრომდე ხანძარი ჯერჯერობით ლოკალიზებული არ არის, რომელიც პარასკევს შუადღისას გაჩნდა რეთიმნოში.

ხანძრის შედეგად, განადგურებულია ათასობით ჰექტარი ტყე, ზეთისხილის ბაღები, ასევე ცხვრის ფარა და ფუტკრის სკები.

სტიქიის ადგილის სიახლოვეს მყოფი ექვსი დასახლების მცხოვრებლები იძულებულები გახდნენ დაეტოვებინათ საცხოვრებელი ადგილები.

კრეტას სახანძრო სამსახურის რეგიონალური მეთაურის განცხადებით, შაბათს დილით მდგომარეობა ოდნავ გაუმჯობესებულია, თუმცა ხანძრის ქრობის სამუშაოებს ძლიერი სიცხე და ქარი უშლის ხელს.

"სახლებს და ადამიანებს საფრთხე არ ემუქრება, ხანძრის ქრობის სამუშაოებში მონაწილეობს 100 მეხანძრე 30 მანქანა, და ასევე ხუთი ვერტმფრენი", - განაცხადა კრეტას სახანძრო სამსახურის რეგიონალური მეთაურმა.

"სიტუაციის კრიტიკულობის გამო, გუშინ, აგია გალინის დასავლეთით მდებარე დასახლებები მელამპესის, სახტურიონის, კრია ვრისისა და აგიოს გეორგიოსის ევაკუაციის შესახებ ბრძანება გაიცა.

მანამდე შუადღისას მოხდა სოფელ ორნეს ნაწილობრივი ევაკუაცია, საიდანაც 13 ადამიანი, ძირითადად, მოხუცები იქნა ევაკუირებული.

 აგიოს ვასილიუს მუნიციპალიტეტში სპილიო-აგია გალინის გზა, რომელიც გუშინ ხანძრის გამო ჩაკეტილი იყო, დღეს გაიხსნა", - წერს ბერძნული მედია.

ასევე დაგაინტერესებთ:

*  სპეცოპერაცია სოსო გოგაშვილის სახლში - სამართალდამცველებმა სუს-ის ყოფილი მაღალჩინოსანი დააკავეს

* "ეს არის დასაწყისი - არ მამოძრავებს შურისძიება, ვითხოვ სამართლიანობის აღდგენას" - მალხაზ მაჩალიკაშვილი გოგაშვილის დაკავებაზე