საბერძნეთში 19 წლით პატიმრობა მიუსაჯეს 39 წლის ქართველ კაცს, რომელმაც პარტნიორი ქალის მოკვლა სცადა და 8 წლის ბავშვის თვალწინ ყელში დანა ჩაარტყა

ბერძნული მედია წერს, რომ  19 წლით პატიმრობა მიესაჯეა 39 წლის ქართველ კაცს, რომელმაც პარტნიორი ქალის მოკვლა სცადა და 8 წლის ბავშვის თვალწინ მას ყელში დანა ჩაარტყა.

შემთხვევა 2021 წლის დეკემბრის ბოლოს მოხდა. ბერძნული მედია დანაშაულის დეტალებზე წერს, სტატიაში აღნიშნულია, რომ, კაცმა ადრე  ქალის გაუპატიურებაც სცადა.

ბერძნული მედიის ინფორმაციით,  პოლიციაში შეტყობინება 18 დეკემბერს დილით შევიდა. აბაზანაში ჩაკეტილი ქალი იტყობინებოდა, რომ ის სასიკვდილო საფრთხის წინაშე იყო და დახმარებას ითხოვდა. ქალმა პოლიციისთვის მხოლოდ ქუჩის დასახელება მოასწრო, რადგან თავდამსხმელმა კარი შეამტვრია და მას ტელეფონი წაართვა.

პოლიციის ეკიპაჟები ქალის მიერ დასახელებულ ქუჩაზე წავიდნენ, სახლის დადგენა კი იქიდან გამომავალი ხმაურით შეძლეს, სახლიდან ქალის ყვირილი და ბავშვის ტირილი ისმოდა. მოძალადემ კარის გაღებაზე პოლიციას უარი უთხრა, რის შემდეგაც სამართალდამცავები იძულებული გახდნენ კარი შეემტვრიათ.  მოძალადე სახლში შესულ პოლიციასაც დაემუქრა და შეეცადა უკვე დაჭრილი ქალისთვის დანა კიდევ ერთხელ დაერტყა.  პოლიციის მოწოდებაზე რომ იარაღი დაეგდო, მამაკაცმა დაზიანებები საკუთარ თავსაც მიაყენა.

პოლიციამ საბოლოოდ მამაკაცის დაკავება შეძლო. განიარაღებისას ერთ პოლიციელს ქურთუკი გაეხა, მეორე პოლიციელი კი დაზიანებას ჯავშანჟილეტმა გადაარჩინა.

ქალისთვის მიყენებული ჭრილობები მისი სიცოცხლისთვის საფრთხის შემცველი არ აღმოჩნდა, ის სასწრაფო დახმარების მანქანით სამედიცინო დაწესებულებაში გადაიყვანეს.

ბერძნული მედიის ინფორმაციით, სასამართლომ ჩათვალა, რომ მამაკაცის დანაშაულში შემამსუბუქებელი გარემოებები არ არსებობდა და მას ხანგრძლივი პატიმრობა მიუსაჯა.

ასევე დაგაინტერესებთ:

🔵რა გელოდება დღეს? - 7 ოქტომბრის ჰოროსკოპი, ზოდიაქოს ყველა ნიშნისთვის

🔵"ჩემ შვილს, ეფემიას დაუდგინდა ცერებრული დამბლა... 40 დღე იბრძოდა ინკუბატორში... მერე გულის მანკი დაამარცხა, თირკმლის რეფლუქსიც... ვიმედოვნებთ, რომ მალე ფეხზეც გაივლის, ირბენს და ითამაშებს თანატოლებთან ერთად" - ფილიპე ხალვაში