საბერძნეთში, 9 წლის ბავშვი დედამ თავშესაფარში ჩააბარა -"უნდა გადამეწყვიტა მოკვდებოდა ჩემს გვერდით თუ გადარჩებოდა ჩემგან შორს"

„ერთ დღესაც ჩემ თავს ვუთხარი, რომ ჩემი შვილი არ მოკვდებოდა. დილით ავდექი ვაკოცე მას და განცხადების გასაკეთებლად წავედი " ბავშვის რჩენა არ შემიძლია. ის ასე მოკვდება. არ გვაქვს შუქი, წყალი და საჭმელი" ეს ძალიან მტკივნეული იყო, მაგრამ სხვა გზა არ მქონდა. მე დედა ვარ. უნდა მიმეღო გადაწყვეტილება, ჩემს გვერდით მოკვდებოდა იმ პირობებში რაშიც ვცხოვრობდით თუ გადარჩებოდა ჩემგან შორს."

დედა იძულებული გახდა 9 წლის შვილი ბავშვთა სახლში დაეტოვებინა, რადგან არ ჰქონდა საკვები, დავალიანების გამო კი შუქი და წყალი გამორთული ჰქონდათ.

ეს მძიმე ისტორია საბერძნეთში, ქალაქ ვოლოში მოხდა.

9 წლის ბავშვს, რომელიც სპეციალურ სკოლაში სწავლობდა აქვს ჯანმრთელობის პრობლემები, რის გამოც ის ყოველ 20 დღეში ერთხელ სისხლის გადასხმას საჭიროებს, დედასთან ცხოვრების პერიოდში მას უწევდა ეცხოვრა საკვების, შუქის და წყლის გარეშე.

მას შემდეგ რაც 9 წლის გოგონა ბავშვთა თავშესაფარში გადაიყვანეს 15 დღის მანძილზე გაუჩერებლად ტიროდა და მხოლოდ მაშინ დაწყნარდა როცა დედა ნახა. დედა შვილს 20 დღეში ერთხელ ნახულობს, როდესაც მას სისხლის გადასხმაზე მიყვება.

ადგილობრივი მედიის ინფორმაციით, 45 წლის ქალი პრონიაში ჩავიდა სადაც განცხადება გააკეთა "გიტოვებთ ჩემ შვილს სანამ ფეხზე დადგომას შევძლებ. მე არ შემიძლია მისი რჩენა". პატარა გოგონას ჯანმრთელობის მდგომარეობის გამო პროკურატურის გადაწყვეტილებით ის ბავშვთა სახლში გადაიყვანეს. 

" როგორ უნდა ეცხოვრა ჩემს შვილს ელემენტარული პირობების, შუქის, წყლის და საჭმლის გარეშე . 3 წლის წინ მამამისი გარდაიცვალა, მას შემდეგ სულ ჩემთან ეძინა. უნდა ამეხსნა მისთვის, რომ მისივე კეთილდღეობისთვის ვტოვებდი და რომ მალე ისევ ერთად ვიქნებოდით. მას შემდეგ ნახევარი წელი გავიდა ბავშვი კი  ისევ თავშესაფარშია.

მამაჩემს შეეძლო ჩვენი დახმარება, მაგრამ არ ისურვა. მან არ მიიღო ჩემი ქმარი და მას შემდეგ ჩვენი ურთიერთობა გაფუჭდა. მას ახლა ახალი ცხოვრება აქვს სადაც ჩვენი ადგილი არ არის. მიუხედავად იმისა რომ ყოფილი მეუღლისგან საკმაოდ დიდი მემკვიდრეობა მიიღო. ყველგან სადაც არ უნდა გამეხედა პრობლემები მხვდებოდა.

ერთ დღესაც ჩემ თავს ვუთხარი, რომ ჩემი შვილი არ მოკვდებოდა. დილით ავდექი ვაკოცე მას და განცხადების გასაკეთებლად წავედი " ბავშვის რჩენა არ შემიძლია. ის ასე მოკვდება. არ გვაქვს შუქი, წყალი და საჭმელი" ეს ძალიან მტკივნეული იყო, მაგრამ სხვა გზა არ მქონდა. მე დედა ვარ. უნდა მიმეღო გადაწყვეტილება, ჩემს გვერდით მოკვდებოდა იმ პირობებში რაშიც ვცხოვრობდით თუ გადარჩებოდა ჩემგან შორს."

45 წლის დედა ამჟამად თესალიის, ერთ-ერთ სოფელში ნათესავთან ცხოვრობს. 

"შემიძლია ვიმუშაო მკერავად სახლში და ამავდროულად ვიზრუნო ჩემ შვილზე. ნებისმიერი სამუშაოს შესრულება შემიძლია. ჩვენ უნდა ვიცხოვროთ და ერთადერთი რასაც ვითხოვ არის  სამუშაო"- ამბობს 9 წლის გოგონას დედა.

როგორც ცნობილი გახდა 45 წლის ქალის შუქი დავალიანება 10.000 ევროს შეადგენს, წყლის კი - 2650.

როგორც გაირკვა, მას კომუნალური გადასახადები 2014 წლიდან არ გადაუხდია.

ასევე საინტერესოა

🔴„მომდევნო 5 წლის განმავლობაში შესაძლოა, საჭირო იყოს წელიწადში ერთი ან ორი, კორონავირუსის საწინააღმდეგო ვაქცინის გაკეთება“ - ჰოპკინსის უნივერსიტეტის პროფესორი

🔴გაათავისუფლეს 48 წლის ქართველი რომელიც, ბერძენმა სამართალდაცავებმა რუსი მაფიოზის და მისი შეყვარებულის მკვლელობის ბრალდებით, შეცდომით დააკავეს

🔴საბერძნეთში, პაციენტის შვილი ექიმებს დანით და ბენზინით სავსე ბიდონით დაესხა თავს