ტრაგედიამდე ცოტა ხნით ადრე, წყვილიდან ერთ-ერთი კრეტაზე უცნობ ადამიანთან ერთად იმყოფებოდა - შემზარავი ამბის ახალი დეტალები

ბერძნულ მედიაში გავრცელდა ინფორმაცია, რომ გლიკა ნერაში მომხდარი ტრაგედიამდე ერთი თვით ადრე, წყვილიდან ერთ-ერთი (გარკვეული მიზეზების გამო, არ სახელდება კონკრეტულად რომელი ) კუნძულ კრეტაზე, საპირისპირო სქესის წარმომადგენელთან ერთად გაემგზავრა.

საქმეში მესამე პირის ფიგურირების შესახებ ინფორმაცია ტელეკომპანია ANT1-ს საინფორმაციო გადაცემაში საუბრისას, საბერძნეთის პოლიციის ბრიგადის გადამდგარმა გენერალმა , ათანასის კატერინიპულომ გაავრცელა.

მისი განცხადებით, მას დაუკავშირდა კუნძულ კრეტაზე მცხოვრები პიროვნება, რომელმაც მიაწოდა ინფორმაცია, რომ  წყვილიდან ერთ-ერთი - ბაბი ან კაროლაინი,  საპირისპირო სქესის წარმომადგენელთან ერთად, მასთან სახლის დასაქირავებლად  მივიდა. 

,,რაღაც მიზეზით, კუნძულზე ერთ-ერთი იმ დროს გაემგზავრა, როდესაც, პანდემიის გამო, რეგიონალური გადაადგილება სრულიად აკრძალული იყო,  დაახლოებით 10 -12 აპრილს. ინფორმაციის მომწოდებელმა ასე აღნიშნა, რომ პირი, რომელიც კუნძულზე იმყოფებოდა, ძალიან განერვიულებული იყო და სახლი აღარ უქირავებია“- თქვა კატერინოპილომ და დასძინა, რომ სახლის მეპატრონემ ბაბი ან კაროლაინი მაშინ ამოიცნო, როდესაც მკვლელობის ამბავი მედიის საშუალებით გავრცელდა.

კატერინოპულოს შეფასებით, ის ფაქტი, რომ წყვილიდან ერთი ამხელა გზაზე,( ათენიდან კრეტაზე) საპირისპირო სქესის წარმომადგენელთან ერთად გაემგზავრა, ცხადყოფს, რომ მათ ურთიერთობაში სერიოზული პრობლემები ჰქონდათ.

„პოლიციამ აუცილებლად უნდა გამოიძიოს ეს ამბავი, რადგან არ ვიცით სად მიგვიყვანს ის" - აღნიშნა მან.

შეგახსენებთ, რომ  საბერნმეთში, კერძოდ გლიკა ნერაში, 32 პილოტმა საკუთარი 20 წლის მეუღლე 11 თვის შვილის თვალწინ გაგუდა, რის შემდეგაც, დანაშაულის დაფარვის მიზნით, პოლიციაში დარეკა და განაცხადა, რომ მის ოჯახს მძარცველთა სამ კაციანი ჯგუფი დაესხა თავს. 

დამნაშავემ ბრალი მაშინ აღიარა, როდესაც პოლიციამ მის წინააღმდეგ უტყუარი სამხილები მოიპოვა.

ნახეთ აგრეთვე 👇

ცხოვრება დავინგრიე - ბერძენი პილოტი, ცოლის მკვლელობის გამო, ბოდიშს იხდის 

ბოდიშის მოხდის შემდეგ ცოლის მკვლელი ციხეში გადაიყვანეს 

„დედა იხუტებდა იმ ხელებს, რომელმაც მის შვილს სუნთქვა შეუწყვიტა“ - რა განცხადება გააკეთა კაროლაინის ოჯახის ადვოკატმა