9 სექტემბრის ასტროლოგიური პროგნოზი

რას გვირჩევენ ვარსკვლავები 9 სექტემბრისთვის ჯანმრთელობის, ბიზნესის და სიყვარულის მიმართულებით? 

ვერძი

გირჩევთ, ერთდროულად რამდენიმე საქმე არ დაიწყოთ, თორემ ვერცერთს ვერ დაასრულებთ. ეცადეთ კრიტიკას მშვიდად შეხვდეთ და არაფერზე გაღიზიანდეთ. დავალების შესრულებისთვის იმაზე მეტი ძალისხმევის გამოჩენა მოგიწევთ, ვიდრე გსურთ, თუმცა შედეგი სასიამოვნოდ გაგაოცებთ.

კურო

საქმით დილიდან ნუ დაიტვირთებით. ეცადეთ, კარგად ნაცნობი და მარტივი საქმეებით დაიწყოთ და საქმიან რიტმში თანდათან ჩაერთოთ. სწორი განსჯისა და საღი აზროვნების დამსახურებით სამსახურში თქვენი ავტორიტეტი გაიზრდება. შეეცადეთ დაიმახსოვროთ იდეა, რომელიც ამ დღეს თავში მოგივათ. მოერიდეთ ახალ ნაცნობებს და საეჭვო შეხვედრებს.

ტყუპები

კარგი დღეა ახალი მიზნების დასახვისთვის. ეცადეთ, თქვენს ენერგიას სწორი მიმართულება მისცეთ. გაიხსენეთ თქვენი ადამიანები, რომლებმაც რთულ დროს არ მიგატოვეს. ეს კავშირები მომავალშიც ბევრჯერ გამოგადგებათ. დღის მეორე ნახევარში საშუალება გექნებათ, რომ ძალები აღიდგინოთ და ამაში საყვარელი ადამიანი დაგეხმარებათ.

კირჩხიბი

ვარსკვლავები გირჩევენ, რომ ეს დღე მშვიდად გაატაროთ, ნაკლები იაქტიუროთ და ინიციატივა არ გამოიჩინოთ. რჩევა როგორც პროფესიულ, ისე პირად ურთიერთობებს ეხება. ასევე სასურველია, კონტაქტები შეზღუდოთ, ნაკლები ისაუბროთ და საქმე განმარტოებით აკეთოთ. ნუ დაივიწყებთ პირობას, რომელიც საყვარელ ადამიანს მიეცით - მისი შესრულების დროა.

ლომი

მოერიდეთ ნაჩქარევ და დაუფიქრებელ გადაწყვეტილებებს, წინააღმდეგ შემთხვევაში სერიოზულ შეცდომებს თავიდან ვერ აიცილებთ. თუ ჩიხურ ვითარებაში აღმოჩნდით, მხარდაჭერა ოჯახის წევრებს ან კოლეგებს უნდა სთხოვოთ - მათი მუშაობის შედეგი მოგეწონებათ. დღის განმავლობაში დაგროვილ დაძაბულობას საღამოს ვარჯიში ან სეირნობა მოგიხსნით, თუმცა განწყობის ხშირი ცვლილება მთელი დღის განმავლობაში გაგყვებათ.

ქალწული

ამ დღეს წარმოქმნილი პრობლემები მშვიდად და საფუძვლიანად უნდა მოაგვაროთ. ყველაფრის ერთდროულად გაკეთებას ნუ ეცდებით, თორემ ვერაფერს გააკეთებთ. მნიშვნელოვანი გადაწყვეტილების მისაღებად დრო ითხოვეთ და აკონტროლეთ საკუთარი სიტყვები. საღამოს შესაძლოა უმნიშვნელო შემთხვევამ განწყობა გაგიფუჭოთ. ახალი, სასიამოვნო ნაცნობობა თქვენს მომავალზე სასიკეთოდ აისახება.

სასწორი

გირჩევთ, სადავო საკითხში დროს კომპრომისი მოძებნოთ და გარემოებებს მოერგოთ. პირად ურთიერთობებში ჯობია, ცოტა ხნით შეისვენოთ ან პარტნიორის მოტივებს დაუფიქრდეთ და კარგად გაიაზროთ. გახსოვდეთ, რომ სირთულეები დროებითია და ეცადეთ ,ყველა ნეგატიური აზრი განდევნოთ.

მორიელი

ეცადეთ, დილიდანვე პოზიტივით დაიმუხტოთ - თქვენი შრომისუნარიანობა და კარიერა მხოლოდ თქვენს განწყობაზეა დამოკიდებული. ამ დღეს უაღრესად ემოციური ხართ და ნებისმიერი წვრილმანი გაღიზიანებთ. სიფრთხილე გამოიჩინეთ საპირისპირო სქესთან ურთიერთობაში - შესაძლოა, ვიღაცამ თქვენი სიტყვები არასწორად გაიგოს.

მშვილდოსანი

იღბლიანი დღეა. ენერგიით სავსე ხართ და შეგიძლიათ ყველაზე რთული და შრომატევადი ამოცანები შეასრულოთ. პრობლემების მოგვარებაში კრეატიული აზროვნება და მდიდარი წარმოსახვის უნარი დაგეხმარებათ. ხელსაყრელი დროა საქმიანი მოლაპარაკებებისთვის - ვარსკვლავების მხარდაჭერით ნებისმიერი ოპონენტის დარწმუნებას შეძლებთ. გაითვალისწინეთ, რომ ამ დღეს ყველაზე უწყინარმა ტყუილმაც კი შეიძლება უსიამოვნო შედეგებამდე მიგიყვანოთ.

მეტის გასაგებად გადადით ბმულზე: