10-მდე დაშავებული პოლიციელი, დაზიანებული მანქანები და ვიტრინები, აღმოჩენილი იარაღი - რა მოხდა ნეაპოლში?

იტალიის ქალაქ ნეაპოლში, გუშინ, 15 მარტს, ჩემპიონთა ლიგის მერვედფინალის მატჩმა ნაპოლისა და აინტრახტს შორის, დაძაბულობისა და ინციდენტების ფონზე ჩაიარა. გერმანელმა გულშემატკივრებმა, რომელთაც მატჩზე დასწრება აკრძალული ჰქონდათ, ქალაქში მაინც შეაღწიეს და არეულობა გამოიწვიეს. 

ნაპოლისა და აინტრახტის გულშემატკივართა რადიკალურ ჯგუფებს შორის დაძაბულობა ურთიერთობა ახალი დაწყებული არ არის. სწორედ ამიტომ, ნეაპოლის პრეფექტის მოთხოვნის საფუძველზე, იტალიის შინაგან საქმეთა მინისტრის, პიანტენდოსის გადაწყვეტილებით, აინტრახტის გულშემატკივრებს მატჩზე დასწრება აეკრძალათ, მოწინააღმდეგე გუნდის გულშემატკივართა ტრიბუნა დაიკეტა. ისევე როგორც ეს მოხდა ატალანტასთან მატჩის შემთხვევაში, სადაც არც ატალანტას გუნდის გულშემატკივრები დაუშვეს მატჩზე. აინტახტის ფანების მხრიდან გუშინდელი გამოსვლები, ერთგვარად ატალანტას ფანების სოლიდარობაც იყო, რადგან ისინი 1999 წლიდან არიან დაძმობილებულნი, ხოლო ნაპოლი მეორე გერმანულ გუნდთან, აინტრახტის კონკურენტ დორტმუნდთან არის დაძმობილებული.

გავრცელებული ინფორმაციით, გუშინ ნეაპოლში, 600-მდე გერმანელი იმყოფებოდა. მთავარი დაპირისპირება ესპანური უბნების მიმდებარედ, ქალაქის ცენტრალური, პლებიშიტოს მოედნია მიმართულებით მოხდა, როდესაც აგრესიულად განწყობილი გერმანელების შეჩერება პოლიციამ სცადა. მათ პოლიციის კორდონის გარღვევა მოინდომეს.

ინციდენტისას დაშავდა 10-მდე პოლიციელი, ცეცხლი გაუჩნდა პოლიციის მანქანას, დაზიანდა მაღაზიების ვიტრინები. თუმცა, პოლიციამ მოახერხა ის, რომ გერმანელები სტადიონამდე არ მიეშვა, სადაც დაპირისპირებას ორი გუნდის რადიკალ გულშემატკივრებს შორის, შესაძლოა მართლაც მძიმე ხასიათი მიეღო, თანაც თუ გავითვალისწინებთ იმასაც, რომ შეტაკების ადგილიდან პოლიციამ ცეცხლსასროლი იარაღიც კი ამოიღო. 

პოლიციამ მოახერხა, მათი სასტუმრომდე მიყვანა და იქ გაჩერება, სანამ ნეაპოლს დაატოვებინებდნენ. მატჩის დასრულების შემდეგ, ნეაპოლელი ფანების მხრიდანაც ჰქონდა სასტუმროს მიმდებარე ტერიტორიაზე მისვლის და გერმანელებთან კონფლიქტის მცდელობას ადგილი. მოგვიანებით, პოლიციამ ამ ტერიტორიაზე მოლოტოვის სამი ბოთლიც აღმოაჩინა, მაგრამ საბედნიეროდ ვითარება არ გამწვავებულა. გამთენიისას გერმანელი გულშემატკივრები ავტობუსებით გაიყვანეს რომისა და სალერნოს მიმართულებით, საიდანაც მათ გერმანიაში დააბრუნებენ.

შეგახსენებთ, რომ გუშინდელი შეხვედრა ანგარიშით 3-0 დასრულდა ნაპოლის სასარგებლოდ და "აძურები" პირველად ისტორიაში, ჩემპიონთა ლიგის მეოთხედფინალში არიან.

ნინა მამუკაძე

სპეციალურად იტალიიდან

ასევე დაგაინტერესებთ:

🔵 ვიდეორეპორტაჟი დიეგო არმანდო მარადონას სტადიონიდან - Reportage dallo stadio Maradona

🔵 “მინდა ჩემს ძარღვებშიც ქართული სისხლი ჩქეფდეს” - ნეაპოლელი გულშემატკივარი

მასალის გამოყენების პირობები


მთავარი სიახლეები




სხვა სიახლეები

1712903525

ახალი ამბები

ლაზარე გრიგორიადისი სასამართლომ დამნაშავედ ცნო და 9 წლით პატიმრობა მიუსაჯა

რუსული კანონის გასაპროტესტებლად, მარტში გამართული აქციების დროს დაკავებულ ლაზარე გრიგორიადისს 9 წლით პატიმრობა მიესაჯა. მოსამართე ზვიად შარაძემ გადაწყვეტილება ცოტა ხნის წინ გამოაცხადა. ლაზარე გრიგორია...

ზოგადი

1712901862

ჰოროსკოპი

რა გელოდება დღეს - 12 აპრილის ასტროლოგიური პროგნოზი ზოდიაქოს ყველა ნიშნისთვის

ვერძი თუ მნიშვნელოვან შეხვედრას ან მოლაპარაკებებს აპირებთ, დღის პირველ ნახევარში უნდა დაგეგმოთ. დღის მეორე ნახევარში შესაძლოა, გარემოებების ან ვიღაცის გავლენით განწყობა გაგიფუჭდეთ. გამორიცხული არ არის...

ჰოროსკოპი

1712824260

ახალი ამბები

1 789 440 ლარის მიზნობრივი აგროკრედიტი აიღეს, თანხა პირადი ინტერესებისთვის გამოიყენეს - 26 პირის მიმართ დევნა დაიწყო

ფინანსთა სამინისტროს საგამოძიებო სამსახურის ცნობით, სახელმწიფო მიზნობრივი კრედიტის არადანიშნულებისამებრ გამოყენებისა და ყალბი დოკუმენტების დამზადება-გამოყენების ფაქტებზე, სისხლისსამართლებრივი დევნა 26...

ზოგადი

1712820540

ახალი ამბები

ამოღებულია 5023 კოლოფი უაქციზო სიგარეტი - შემოსავლების სამსახური

გამოვლენილია აქციზური მარკის სავალდებულო დართვას დაქვემდებარებული საქონლის აქციზური მარკის გარეშე ტრანსპორტირება/შენახვის ფაქტი - ამის შესახებ ინფორმაციას ფინანსთა სამინისტროს შემოსავლების სამსახური ა...

სიგარეტი

1712816631

ბიზნესი

ლარი დოლართან მიმართებით გამყარდა, ევროსთან გაუფასურდა

10 აპრილის ვაჭრობის შედეგად, ლარი აშშ დოლართან მიმართებით გამყარდა. კურსის ცვლილებამ 0.48 თეთრი შეადგინა, რის შემდეგაც დოლარის ოფიციალური ღირებულება 2,6729 ლარი გახდა. საქართველოს ეროვნული ბანკის ინფო...

ბიზნესი