"ჩვენ კრიზისის, მხოლოდ დასაწყისში ვართ“ - ყოველი მეექვსე იტალიელი კომუნალური გადასახადების გადახდას ვერ ახერხებს

როგორ მივიღოთ ფასდაკლება კომუნალურ გადასახადებზე? 

ბოლო თვეების მანძილზე გაზრდილი კომუნალური გადასახადები, იტალიელების შეშფოთებას იწვევს. ოფიციალური ინფორმაციით, თითქმის ყოველი მეექვსე იტალიელი კომუნალური გადასახადების გადახდას ვერ ახერხებს.

არიან ისეთებიც, რომლებიც უბრალოდ ვერ ახერხებენ ელექტროენერგიის და გაზის გადასახადების გადახდას, მით უმეტეს, ბოლო თვეების მანძილზე გაზრდილი გადასახადების გამო, რამაც ბევრ ოჯახში კრიზისი გამოიწვია. არსებულმა მდგომარეობამ, მთავრობა აიძულა, მიეღო საშეღავათო ზომები და დაეწესებინათ - სოციალური ბონუსი.

სოციალურად დაუცველ ფენათა გადასახადები, 2 მილიარდამდე ევროს შეადგენს. მომხმარებელთა 15,44% გადასახადს არ იხდის. ეს საკმაოდ შემაშფოთებელი რიცხვებია. "ჩვენ კრიზისის, მხოლოდ დასაწყისში ვართ“ - წერენ იტალიურ მედიაში.

ბონუსი მათთვის, რომლებიც გადასახადებს ვერ იხდიან: 

2022 წლის 1 აპრილიდან 31 დეკემბრამდე, 12 ათას ევრომდე ISEE-ს მქონე ოჯახებს შეეძლებათ ისარგებლონ ელექტროენერგიისა და გაზის გადასახადებთან დაკავშირებული ხარჯების შემცირებით. 

2022 წლის 1 აპრილიდან, 31 დეკემბრის ჩათვლით მილიონობით ოჯახს შეეძლება ელექტროენერგიის და გაზის გადასახადებზე ფასდაკლების ბონუსის მიღება. იტალიაში, დაიწყო ეროვნული საინფორმაციო კამპანია, ენერგორესურსების გაძვირების წინააღმდეგ საბრძოლველად, რომელიც ხელს უწყობს იტალიაში მილიონობით ოჯახის ფასდაკლებულ გადასახადებზე წვდომას. 

ბონუსზე წვდომის პროცესი ავტომატურია, რადგან ის ეფუძნება ეროვნულ ინტეგრირებულ საინფორმაციო სისტემას.
საკმარისი იქნება დეკლარაციის წარდგენა და ამით ISEE სერტიფიკატის მოპოვება. დეკლარაციის წარდგენა შესაძლებელია დამოუკიდებლად, პირდაპირ ონლაინ, INPS-ის ოფიციალურ ვებსაიტზე (თქვენი პირადი ზონის MyINPS წვდომით და კონკრეტული „ISEE წინასწარ შევსებული“ სერვისის გამოყენებით) ან ნებისმიერი CAF-ის (საგადასახადო დახმარების ცენტრის) აქტიური მხარდაჭერის გამოყენებით.

თავად INPS, დეკლარაციის მიღების შემდეგ, ავტომატურად შეარჩევს ოჯახებს, რომლებიც შეძლებენ წვდომას ფასდაკლებით თავიანთ გადასახადებზე (მათ ISEE-ზე დაყრდნობით).

აგრეთვე დაგაინტერესებთ:

📌 მილანში მცხოვრები ემიგრანტების საყურადღებოდ - 3 აპრილს მილანი “პარალიზებული” იქნება

📌 რა მოხდება იტალიაში, თუ პუტინი გაზის მიწოდებას შეწყვეტს? - „წელს სიცივეში არ დავრჩებით, მაგრამ მერე?“

📌 უკრაინაში იტალიიდან დასახმარებლად ჩასული ლუკა ჩიქოვანი, ჯერ რუსი ჯარისკაცი, ხოლო შემდეგ უკრაინელი დეზერტირი ეგონათ - მსახიობი ქართულმა პასპორტმა იხსნა