იჩქარეთ! იტალიური ენის კურსები პერუჯაში მცხოვრები ემიგრანტებისთვის

პერუჯას სახელმწიფო უნივერსიტეტი, უცხო ქვეყნების მოქალაქეებისთვის აცხადებს რეგისტრაციას იტალიური ენის შემსწავლელ კურსებზე, დონე A1 და A2.

კურსის დამთავრების შემდეგ, პირი გაივლის გამოცდას და გადაეცემა საერთაშორისო სერტიფიკატი. აღნიშნული სერტიფიკატი ვალიდურია უცხო ქვეყნის მოქალაქის მიერ მუდმივი ბინადრობის, ანუ permesso di soggiorno UE di lungo periodo-ს მოთხოვნის შემთხვევაშიც. 

რეგისტრაციისთვის აუცილებელი მოთხოვნებია: 

• არაევროპული ქვეყნის მოქალაქეობა
• იტალიური ბინადრობის ნებართვა (დაშვებულია ჰუმანიტარული და საერთაშორისო დაცვის მოტივით მიღებული საბუთიც)
• ჩაწერა უმბრიის რეგიონში
• ასაკი 16 წელს ზემოთ

კურსის ხანგრძლივობაა 3 თვე (მარტი-მაისი)

გაკვეთილების ხანგრძლივობაა 3 საათი და ჩატარდება კვირაში სამჯერ, დღის მეორე ნახევარში.

რეგისტრაციისთვის საჭირო საბუთებია: 

• პირადობის დამადასტურებელი მოწმობის ასლი
• იტალიური ბინადრობის ნებართვის ასლი
• ფისკალური კოდის ასლი

კურსებზე ჩაწერა მთავრდება 16 თებერვალს.

კურსის მისამართია: პერუჯას სახელმწიფო უნივერსიტეტი, გალენგას სასახლე, ფორტებრაჩოს მოედანი 4, პერუჯა.

რეგისტრაცია შეგიძლიათ აღნიშნულ მისამართზე მისვლით, ან იმეილის საშუალებით.

კურსებზე რეგისტრაციისთვის დეტალური ინფორმაცია და შესავსები ფორმა იხ. ლინკზე; 

https://www.unistrapg.it/studiare-in-un-ateneo-internazionale/percorsi-di-lingua-italiana-ed-educazione-civica-per-cittadini-di-paesi-terzi

ნინა მამუკაძე

იტალია, ფლორენცია