იტალია - 1-ლი აპრილიდან სად რჩება სავალდებულო საბაზისო და Super Green Pass-ი

დღეს, 31 მარტს იტალიაში საგანგებო მდგომარეობა მთავრდება. 1-ლი აპრილიდან მოიხსნება შეზღუდვების უმრავლესობა, რომლებიც 1-ლი მაისიდან თითქმის სრულად გაუქმდება. ყველაზე მეტი შეკითხვა მწვანე საშვის, იგივე Green Pass-ის შესახებ ისმება. ვნახოთ სად რჩება საბაზისო მწვანე საშვის გამოყენების აუცილებლობა და სად Super Green pass-ის, 1-ლი აპრილიდან 30 აპრილის ჩათვლით.

ძირითადი მწვანე საშვი, ანუ Green Pass base, მოგეხსენებათ რომ შეგიძლიათ მიიღოთ, როგორც ვაქცინაციისა და კოვიდის გადატანის, ასევე კოვიდტესტის გაკეთების შემთხვევაშიც, იქნება ეს 72 საათიანი, თუ 48 საათიანი ტესტი.

აღნიშნული საშვის გამოყენება საჭირო იქნება:

- ბარებსა და რესტორნებში, ოღონდ დახურულ სივრცეში;

- საჯარო კონკურსებზე, საჯარო და კერძო სასწავლო კურსებზე დასასწრებად;

- ციხეში ვიზიტისას;

- წარმოდგენებზე, ღია ცის ქვეშ; 

- ტრანსპორტში: თვითმფრინავი, მატარებელი, გემი, ბორანი, ტურისტული ავტობუსი, ან ავტობუსები, რომლებიც აკავშირებენ რეგიონებს.

Super Green Pass-ი სავალდებულო იქნება:

- დახურულ საცურაო აუზებზე, საცურაო ცენტრებში, სპორტულ დარბაზებში, გამაჯანსაღებელი ცენტრებში

- თავისთავად გასახდელებსა და საშხაპეებში

- კონფერენციებსა და კონგრესებზე

- დახურულ კულტურულ, სოციალურ ცენტრებში

- სადღესასწაულო ცერემონიებზე

- აზარტული თამაშების დარბაზებსა და კაზინოებში

- საცეკვაო დარბაზებსა და დისკოთეკებზე

- კინოთეატრებში, თეატრებში

- ჯანდაცვის სტრუქტურებში.