ქართველი ემიგრანტები, იტალიურ რადიო სადგურ „CanaleCento“-ს ეთერში

გუშინ, სოციალურ ჯგუფ „ფეისბუკში“ ვირუსულად გავრცელდა ვიდეო, სადაც ქართველი ემიგრანტი ქალბატონები იტალიის ერთ-ერთ რადიო არხზე ქართულ სიმღერას „ტიავ, ტიავ რაკრაკით“ ასრულებენ. ვიდეო ათასობით ემიგრანტმა გააზიარა. 

excluvitv.ge შემსრულებლებით დაინტერესდა და ერთ-ერთ ემიგრანტ ქალბატონს, ჯანინა ხერგიანს დაუკავშირდა და კვარტეტის შესახებ რამდენიმე კითხვა დაუსვა.

კვარტეტ „იავნანა“-ს იტალიაში მცხოვრები ემიგრანტი ქალბატონები ჯანინა ხერგიანი, მედეა ხუჭუა, ირმა ბაზერაშვილი და ირინა თავაძე წარმოადგენენ.

ჯანინა ხერგიანი: ჩვენ ვართ კვარტეტი „იავნანა“. სამი წელია რაც ვარსებობთ. კვარტეტის წევრები ქალაქ ბარიში ვცხოვრობთ. ეს არის შემოქმედებითი გჯუფი, რომელიც მწერლებს, პოეტებს და მუსიკოსებს აერთიანებს. ჩვენს კვარტეტში ორი მუსიკოსი და ორი მოყვარული მომღერალი ვართ.

მე, პარალელურად ვწერ ლექსებს, რომელიც გამომცემლობებმა დაბეჭდა. ირმა და ირინა მუსიკას წერს, ირმა ბაზერაშვილი ასევე გახლავთ პოეტი.

რადიო სადგურ „CanaleCento“ დირექტორი, რობერტო შემთხვევით, მეგობრის მეშვეობით გავიცანი, რომელმაც რობერტოს ჩვენი ჯგუფის შესახებ უამბო. ბატონ რობერტოს ჩვენს მიერ შესრულებული სიმღერები მოვასმენინე და ასე აღმოვჩნდით რადიოს ეთერში. ასევე მისგან მივიღეთ ინტერნაციონალური ჯგუფის შექმნის შეთავაზება. 

რობერტო გახლავთ მწერალი და პუბლიცისტი, საკმაოდ გათვითცნობიერებულია კავკასიურ ტომების ისტორიის შესახებ, არის დოკმენტალისტი და შემეცნებითი წიგნების ავტორი. მას რადიო სადგურ „CanaleCento“-ს  დირექტორის პოსტზე ყოფნის 28-წლიანი გამოცდილება აქვს. 

exclusivetv.ge მადლობას უხდის ქალბატონ ჯანინას და კვარტეტ „იავნანას“ წარმატებებს უსურვებს. 

აგრეთვე დაგაინტერესებთ:

📌 „ისტორიულ ხელშეკრულებას ვაწერთ ხვალ ხელს“ - რომის სასულიერო მუსიკის პონტიფიკალურ ინსტიტუტსა და გიორგი მთაწმინდელის სახელობის საეკლესიო გალობის უმაღლეს სასწავლებელს შორის მემორანდუმი გაფორმდება

📌 იტალია - ISEE-ს გაკეთება ფასიანი ხდება?!

📌 ახალი პროექტი უფრო ეკონომიური და სუფთა რომისთვის