რომი - ყველაზე მოთხოვნადი ტურისტული მიმართულება

რომი 2022 წლის აღდგომის დღესასწაულის ერთ-ერთი ყველაზე პოპულარული ადგილია, მსოფლიო დედაქალაქებს შორის. დედაქალაქი არასოდეს წყვეტს თავისი ხიბლის გამოვლენას და იტალიელების და უცხოელების ყველაზე საყვარელი ადგილია სააღდგომოდ. ის წელსაც რეიტინგის სათავეშია.

Holidu-მ, ევროპაში ერთ-ერთმა უდიდესმა საძიებო სისტემამ მონაცემების დამუშავების შედეგად, სააღდგომოდ, იტალიელების მიერ არჩეული ტოპ 30 ყველაზე პოპულარული მიმართულება გამოავლინა. კვლევამ აჩვენა, რომ იტალიელებმა ისევ იტალია არჩიეს დღესასწაულის გასატარებლად. გაირკვა, რომ შერჩეული 30 მიმართულებიდან, 26 იტალიურია და მხოლოდ 4 უცხოური. აღნიშნულ სიაში, ყველაზე მოთხოვნადი, რომია. ეს რაც შეეხება იტალიელების არჩევანს, მაგრამ  Covid-ის ეპოქაში, რომი მსოფლიოს საუკეთესო ტურისტული ქალაქების რეიტინგშიც ლიდერობს. დედაქალაქი შედის Euromonitor International-ის მიერ შექმნილი მსოფლიოს 100 საუკეთესო ტურისტული ქალაქის ცნობილი რეიტინგის ხუთეულში.

Covid-ის ეპოქაში შეიცვალა ტურისტული მიმართულებების არჩევის კრიტერიუმები და შესაბამისად მათი შეფასება. წელს, Euromonitor International-ის მიერ მსოფლიოს 100 საუკეთესო ქალაქის ცნობილ რეიტინგის შედგენისას გათვალისწინებულ იქნა შემდეგი: ინფრასტრუქტურა, მდგრადობა, ქალაქის ეკონომიკა, მოსახლეობის ცხოვრების ხარისხი, პანდემიაზე რეაგირების ეფექტურობა. სწორედ ამ პარამეტრებით რომი მეხუთე ადგილზეა პარიზის, დუბაის, ამსტერდამის და მადრიდის შემდეგ.

Jetcost.it-ის მიხედვით, იტალიის დედაქალაქი ყველაზე მოთხოვნადია გერმანელ, ფრანგ, ესპანელ, ჰოლანდიელ და პორტუგალიელ მოგზაურებს შორის და მეორე ადგილზეა  ბრიტანელებს შორის.

დოდუკა ბრატულიჩი სპეციალურად ExclusiveTV-თვის რომიდან