ელენა სატინი - ვინ არის ქართველი გოგონა, რომელიც ჰოლივუდს იპყრობს

თბილისში, "ნახალოვკაში" დაბადებული ქართველი მსახიობი და მომღერალი, რომელმაც ჰოლივუდი დაიპყრო, დღეს იუბილარია!

ელენა სატინი - იგივე ელენე სხირტლაძე 1987 წლის 24 ნოემბერს თბილისში, "ნახალოვკაში" დაიბადა და ცოტნე დადიანის ქუჩაზე ცხოვრობდა.

მამა - "ნახალოვკელი" გუგა სხირტლაძეა, დედა კი, მარინა სხირტლაძე, ბიჭვინთელი ქართველია, რომელიც მსახიობი, მოდელი და ოპერის მომღერალი იყო.

6 წლის ასაკში ელენე რუსეთში, ბიჭვინთაში წაიყვანეს, სადაც ის გახდა მუსიკალური ჯგუფ "ნერგები"-ს წევრი. რუსეთში პატარა ელენე გამოდიოდა მაშინდელ პოპულარულ საბავშვო გადაცემაში „დილის ვარსკვლავი“.

9 წლისა უკვე საერთაშორისო პრემიების ლაურეატი და კინოფესტივალ „კინოტავრის'' ყველაზე ახალგაზრდა მონაწილეც იყო.

მოგვიანებით, ელენე ამერიკაში გაემგზავრა, სადაც გაიარა სამსახიობო სკოლა და ახლა  უკვე საკმაოდ წარმატებული მსახიობია. ის გამოჩნდა ცნობილ ამერიკულ სერიალებში - "დეტექტივი რაში", "ჯადოსნური ქალაქი", "კავბოი ბიბოპი".  

ხშირად ხვდება ყველაზე სექსუალურ და ლამაზ ქალთა სიაში.

როგორც თავად ამბობს, მისი მსახიობური ნიჭი დედის დამსახურებაა.

"მამას კი სცენასთან არაფერი აკავშირებს, საფეიქრო ბიზნესი აქვს, მაგრამ ჩემთვის და ჩემი ძმისთვის, ხელი არასდროს შეუძლია ჩვენი მომავლის დაგეგმვაში, პირიქით, ყოველთვის გვერდით გვედგა"- განაცხადა ელენემ ერთ-ერთ ინტერვიუში.

წყარო: ფეისბუკგვერდი "Naxalovka".