მსუყე ლაზანია - მარტივი რეცეპტი

გთავაზობთ ულამაზესი და უგემრიელესი ლაზანიას რეცეპტს, ისეთს როგორსაც სიცილიასა და კალაბრიაში ამზადებენ.  

დაგჭირდებათ შემდეგი ინგრედიენტები:

ცომის ფირფიტები
ბეშამელი 1 
პომიდვრის წვენი 1 ბოთლი
ფარში 500 გრ
ხახვი  1
მარილი
ზეთი
ბაზილიკოს ფოთლები
თეთრი ღვინო  1 ყავის ჭიქა
ყველი პროვოლა
მდნარი ყველი
გახეხილი ყველი
კვერცხი 3

პირველ რიგში ვიწყებთ სოუსის მომზადებას.

ზეთში მოწვავთ წვრილად დაჭრილ ხახვს. ფარშს მოთუშავთ ხახვთან ერთად და დაასხამთ ღვინოს. ასევე დაუმატებთ პომიდვრის წვენს და წყალს. 1 კოვზი შაქარი პომიდვრის გემოს დასათრგუნად.
ჩააჭერით ბაზილიკოს ფოთლებიც. მარილი გემოვნებით. 
დატოვეთ დაბალ ცეცხლზე და ხარშეთ სანამ ხორცი არ იქნება მზად. დრო და დრო დასჭირდება წყლის ჩამატება, როცა დაიშრობს.

გადავდივართ შემდეგ ეტაპზე:

მოხარშეთ სამი კვერცხი და დაჭერით თხელ მრგვალ ნაჭრებად. დაჭერით პროვოლა გრძელ თხელ ნაჭრებად. საცხობ ფორმას მოასხით ფარშიანი ტომატი და ჩააწყვეთ ლამაზად ლაზანიას ფირფიტები, ისე რომ სიცარიელე არ დარჩეს. ისევ ტომატი და ფარში, დააწყვეთ პროვოლა და კვერცხი, მოაყარეთ გახეხილი ყველი. კოვზით გადაანაწილეთ ბეშამელი და დაფარეთ ლაზანიას ფირფიტებით.
ამ მოქმედებას იმეორებთ სანამ საცხობ ფორმას არ ამოავსებთ. სულ ბოლოს გადააფარეთ მდნარი ყველის ფენა, გადაუსვით ისევ ბაშამელი და მოაყარეთ გახეხილი ყველი.

შედგით ღუმელში 180-200 გრადუსზე და დატოვეთ დაახლოებით 25 წუთის განმავლობაში.

გასაფორმებლად შეგიძლიათ გამოიყენოთ წვრილად  დაჭრილი ოხრაცუშიც.

#buonappetito