ახალი წლის ღამეს პიროტექნიკით 27 ადამიანი დაშავდა, 41 საკვებით, ხოლო 231 ალკოჰოლით მოიწამლა

საგანგებო სიტუაციების კოორდინაციისა და გადაუდებელი დახმარების ცენტრის ინფორმაციით, საქართველოში ახალი წლის ღამეს პიროტექნიკის გამოყენების შედეგად 27 ადამიანი დაშავდა. 

ცენტრის ინფორმაციით, თბილისში 8 ადამიანი დაშავდა, მათ შორის ერთი არასრულწლოვანია. მათგან 6 ადამიანი, სხეულის სხვადასხვა მიდამოს დაზიანებით, ჰოსპიტალიზებულია. საქართველოს რეგიონებში ამ დროისათვის აღრიცხულია პიროტექნიკით დაზიანების 19 შემთხვევა, კლინიკაში გადაყვანილია 13 პაციენტი.

გარდა პიროტექნიკით დაზიანებისა,

საქართველოს მასშტაბით, ახალი წლის დღეებში კვებითი ინტოქსიკაციის 41 შემთხვევა დაფიქსირდა. როგორც საგანგებო სიტუაციების კოორდინაციისა და გადაუდებელი დახმარების ცენტრში განაცხადეს, თბილისში 12 შემთხვევა დაფიქსირდა და ჰოსპიტალიზებულია 3 პაციენტი.

მათი განმარტებით, რეგიონებში კვებითი ინტოქსიკაციის 29 შემთხვევა დაფიქსირდა და ჰოსპიტალიზებულია 12 ადამიანი.

რაც შეეხება ალკოჰოლით ინტოქსიკაციის ფაქტს, საგანგებო სიტუაციების კოორდინაციისა და გადაუდებელი დახმარების ცენტრში აღნიშნავენ, რომ ასეთი 231 შემთხვევა გამოვლინდა, რომელთაგან 97 თბილისში დაფიქსირდა და ჰოსპიტალიზულია 20 პაციენტი.

მათივე მონაცემებით, რეგიონებში დაფიქსირებულია 134 ასეთი შემთხვევა, ხოლო ჰოსპიტალიზებულია 40 პაციენტი.

ასევე დაგაინტერე­­­­სებთ:

🔵საქართველოს მოსახლეობის 70% აცრილი უნდა იყოს და ამისათვის „ყველაფერი უნდა გაკეთდეს - ამირან გამყრელიძე

🔵მოვდივარ დედი შენს გაყინულ სხეულს მაინც ჩავეხუტები... ემიგრანტი დედის სულის შემძვრელი წერილი

🔵,,უფალმა შეუნდოს მათ, ვინც სხვა ეკლესიის ტერიტორიას ეპოტინება!" - ალექსანდრიის პატრიარქი