"ბორჯომი" ბადრი პატარკაციშვილის ოჯახმა მიჰყიდა რუსებს 2013 წელს. ფრანგებს ან ამერიკელებს რატომ არ მიჰყიდა? - რომან გოცირიძე

მინერალური და მტკნარი წყლების მწარმოებელი კომპანია „IDS ბორჯომის“ მიერ, წარმოების დროებით გაჩერებას, "ნაციონალური მოძრაობის"  წევრი რომან გოცირიძე სოციალური ქსელით ეხმიანება. 

"ერთნი ამბობენ, “ბორჯომი” ჩამოვართვათო (ნაციონალიზაცია მოვახდინოთო), მეორენი-სახელმწიფომ გამოისყიდოსო, მესამენი-მესაკუთრემ
(დასანქცირებულმა რუსულმა კომპანიამ) კეთილი ინებოს და როგორც იყიდა ისე გაყიდოსო. კიდევ გაჩნდება ვერსიები. ისე, რომ ვიცოდეთ, ბორჯომი ნახევარი მილიარდი დოლარი ღირს.
ახლა გავიხსენოთ, მსგავსი პრობლემების გადასაჭრელად როგორ ურჩევდნენ ჯიბეგამოფხეკილ (ანუ ვალებზე ჩამოკიდებულ) მთავრობას, რომ თავად აეშინებინა ნამახვანჰესი (800 მილიონი დოლარი), ხუდონჰესი (ერთი მილიარდი დოლარი), ნენსკრაჰესი ( 1,2 მილიარდი დოლარი), მზისა და ქარის სადგურები, ანაკლია ( მხოლოდ პირველი ეტაპი 600 მილიონი დოლარი) და უამრავი სხვა რამ.
რა ვქნათ, რომ სანქციებშია მოყოლი “როსნეფტი” ( რომელიც ფლობს ფოთის ტერმინალს), “ინტერრაოს” ხელმძღვანელობა, რომელთაც ეკუთვის “თელასი”, ხრამის სადგურები, გადრდაბნის თბოსადგური. ვი-თი-ბი ბანკი რატომ არ გამოისყიდა( ჩამოართვა) მთავრობამ? იქაც ათასამდე ადამიანი დარჩება უმუშევარი. “ლუკოილს” რა ვუყოთ?
ილუზიებს ნუ მივეცემით-მთავრობას არ შეუძლია რაიმეს გამოსყიდვა, არც ფული აქვს და არც არავინ მიჰყიდის არასაბაზრო ფასებში.
ეს ისტორია კიდევ ერთხელ გვარწმუნებს იმ ჭეშმარიტებაში, რომ რუსეთთან ბიზნესურთიერობები სარისკოა და ადრე თუ გვიან პრობლემები სხვადასვა ფორმით იჩენს თავს.
რაც შეეხება “ბორჯომს”, ის ბადრი პატარკაციშვილის ოჯახმა მიჰყიდა რუსებს 2013 წელს. ფრანგებს ან ამერიკელებს რატომ არ მიჰყიდა? ალბათ არ იყიდეს ან ნაკლებ ფასად არ გაყიდეს. ამის საპასუხოდ იქნება არგუმენტი, “თქვენ დროსაც ხომ იყიდებოდა რუსებზეო”? კი, იყიდებოდა და ეს არ იყო კარგი, მაგრამ როცა ეს პროცესი გაგრძელდა და კრიტიკულ ზევარს მიუახლოვდა, ამაზე ამ ხელისუფლებას უნდა ეფიქრა. ბოლოს და ბოლოს, ათი წელი გავიდა “იმ ხელისუფლებიდან”.
გამოსავალი რა არის? რომელ ერთზე მეკითხებით, “ბორჯომზე” თუ მრავალ სხვაზე, რომელთა ჩამოთვლა შორს წაგვიყვანდა?
გამოსავალი სახელმწიფოს ბიზნესსუბიექტად გადაქცევაში არ არის. სახელმწიფომ უნდა შექმნას ისეთი პოლიტიკა, რომელიც ქვეყნის ინტერესების სასიკეთოს იმუშავებს და არა ხელისუფლებასთან მიტმასნებული ბიზნესებისათვის.
ამ კონკრეტულ შემთხვევაში გამოსავალი ისევ ბაზრია. როგორი ცუდიც არ უნდა იყოს მისი შედეგი, ის იმაზე უარესი არ იქნება, ვიდრე სახელმწიფოს ჩარევა",-წერს, გოცირიძე.

ასევე წაიკითხეთ:

🔵უნდა მოხდეს "ბორჯომის" გამოსყიდვა სახელმწიფოს მხრიდან - გია ხუხაშვილი

🔵გარემო, რომელიც აირჩიე, თუ შენი შესაფერისი არ არის და საერთო ღირებულებებს არ ატარებს, სატანჯველად გექცევა - მამა პეტრე

🔵ნახეთ, რა გელოდებათ მაისის თვეში ზოდიაქოს თითოეულ ნიშანს - ტაროლოგ „Her Mit“-ის რჩევები