გერმანიაში შესვლის პირობები იცვლება

გერმანიაში შესვლის შეცვლილი პირობები იცვლება. ინფორმაციას საქართველოში გერმანიის საელჩო  ავრცელებს. 

მათივე ცნობით, დღეიდან გერმანიაში შესასვლელად პირები ექვსი წლის ასაკიდან ვალდებულები არიან, თან იქონიონ კოვიდ - საბუთი.

პირებმა ექვსი წლის ასაკიდან გერმანიაში შესვლისას უნდა წარადგინონ ტესტის, კოვიდისგან გამოჯანმრთელების ან აცრის დამადასტურებელი საბუთი. ტესტი (ანტიგენის ან PCR) ძირითადად ჩატარებული უნდა იყოს გერმანიაში (დაგეგმილი) შესვლის მომენტამდე მაქსიმუმ 48 საათით ადრე.

აღნიშნულისგან განსხვავებით სატრანსპორტო კომპანიის (მაგ. ავიაკომპანიის) მეშვეობით გამგზავრების შემთხვევაში PCR-ტესტი ჩატარებული უნდა იყოს (დაგეგმილი) გამგზავრების დაწყების მომენტამდე (მაგ. თვითმფრინავის აფრენამდე) მაქსიმუმ 48 საათით ადრე.

ანტიგენის ტესტი სატრანსპორტო კომპანიის მეშვეობით გამგზავრების შემთხვევაშიც ჩატარებული უნდა იყოს გერმანიაში (დაგეგმილი) შესვლის მომენტამდე მაქსიმუმ 48 საათით ადრე. კოვიდ-საბუთის ვალდებულება ასევე ვრცელდება თვითმფრინავის იმ მგზავრებზე, რომლებიც მხოლოდ ტრანზიტის მიზნით ჩადიან გერმანიის ერთ-ერთ აეროპორტში. ეს ეხება ტრანზიტულ მგზავრობას როგორც ევროკავშირის არაწევრი ქვეყნებიდან ან ამ ქვეყნებში, ასევე შენგენის ქვეყნებიდან ან შენგენის ქვეყნებში.

ვირუსის ვარიანტის (https://www.rki.de/.../Neuartiges.../Risikogebiete_neu.html) ქვეყნებიდან გერმანიაში შესვლის შემთხვევაში აუცილებელია PCR-ტესტის საბუთის წარდგენა. ამ შემთხვევაში არ არის საკმარის ანტიგენის სწრაფი ტესტის, კოვიდისგან გამოჯანმრთელების ან აცრის დამადასტურებელი საბუთის წარდგენა.

სატრანსპორტო კომპანიის (მაგ. ავიაკომპანიის) მეშვეობით გამგზავრების შემთხვევაში PCR-ტესტი ჩატარებული უნდა იყოს (დაგეგმილი) გამგზავრების დაწყების მომენტამდე მაქსიმუმ 48 საათით ადრე. გარდა ამისა, გერმანიის უწყებებმა შეიძლება დამატებით მოითხოვონ გერმანიის ფედერაციულ რესპუბლიკაში შესვლის შემდეგ PCR-ტესტის ჩატარება ჩასვლის ადგილზე (მაგ. აეროპორტში). - ნათქვამია საელჩოს მიერ გავრცელებულ განცხადებაში.

ასევე საინტერესოა:

🔵 ტიკარაძე: "ომიკონის" კიდევ 15 საეჭვო შემთხვევას იკვლევენ

🔵 ირაკლი გიორგაძე: 24 დეკემბერს ვაკის პარკის მიმდებარედ შეზღუდული შესაძლებლობების მქონე პირთა ნამუშევრების გამოფენა - გაყიდვა გაიმართება