"მე იმ წრეში ვარ, სადაც 5-იანის შემოხაზვა პრობლემაა. სადაც ადამიანებს გული ერევათ, საჯიშე ბიჭების გადასარჩენად წარმოებულ ყალბ ომზე" - თამარ ჩერგოლეიშვილი

"ტაბულას" დამფუძნებელი თამარ ჩერგოლეიშვილი სოციალურ ქსელში საქართველოში მიმდინარე არჩევნებს სოციალურ ქსელ ფეისბუკში ეხმიანება.

"მე იმ წრეში ვარ, სადაც 5-იანის შემოხაზვა პრობლემაა. 

ჩემ გარშემო მყოფებს სასტიკად არ მოსწონთ “ბათუმი თურქებისთვის არ ამიშენებია” და გულწრფელად ვერ ხვდებიან, რა განსხვავებაა 2012 წლის დროინდელ “ბათუმი თურქულ ჩეჩმად გადაიქცას” შორის.

ჩემ გარშემო მყოფებს ვარდების რევოლუციიდან სწორედ ის მემკვიდრეობა მოსწონთ, რასაც ხუთი ნომრის ლიდერი ასე საგულდაგულოდ ემიჯნება – სეკულარული, ლიბერალური დემოკრატია – ჩემს გარემოცვას სწორედ ამ მემკვიდრეობაზე დაშენებად წარმოუდგენია ქვეყნის ნათელი მომავალი.

მე იმ წრეში ვარ, სადაც ადამიანებს გული ერევათ რელიგიის სახელით სპეკულირებებზე, საჯიშე ბიჭების გადასარჩენად წარმოებულ ყალბ ომზე.

მე იმ წრეში ვარ სადაც ადამიანებს გული ერევათ სიხარბეზე, კონფორმიზმზე, საყოველთაო უფასოობაზე…”ხელები შორს ქართული ბუნებიდან”-ზე.

მე იმ წრეში ვარ, სადაც ადამიანებისთვის კატეგორიულად მიუღებელია “არჩევნებს აზრი არ აქვს, შულერთან სათამაშოდ არ სხდებიან” – ჩემი გარემოცვა თვლის რომ ლიბერალურ დემოკრატიას, რესპუბლიკას ალტერნატივა არ აქვს და ამის მიღწევა მხოლოდ არჩევნებით შეიძლება.

ეგეთები დამრჩნენ, სხვები ისევე ჩამომტყდნენ, როგორც ივანიშვილს ჩამოსძვრა პროდასავლური დეკორაციები.

მაგრამ თუ გვინდა, რომ ამ აღვირახსნილ პოპულიზმს გასაქანი არ მიეცეს, უნდა დავამტკიცოთ რომ არჩევნებს აზრი აქვს. 

უნდა დავამტკიცოთ, რომ ცვლილებები დემოკრატიული გზით შესაძლებელია. 

და რაც მთავარია, როგორც არ უნდა დასრულდეს დღევანდელი დღე, შემდეგ არჩევნებზეც იგივე უნდა ვამტკიცოთ:

1)ძალაუფლების რეალურ დანაწილებას და პროპორციულ არჩევნებს ჩვენს სინამდვილეში ალტერნატივა არ აქვს. 

2) როგორც ქვეყანას, ნორმალურობა გვჭირდება და ნორმალური დემოკრატიული ცვლილებები – მხოლოდ ნორმალურობა დაგვაახლოებს ჩვენს ისტორიულ ამოცანას, თავისუფალ სამყაროში ინტეგრაციას.

მოკლედ, ცხვირზე ხელი მოვიჭიროთ და შემოვხაზოთ ხუთიანი – ამით თქვენ ხუთიანს კი არ მისცემთ ხმას, არამედ დემოკრატიულ ცვლილებას და არჩევნებში რწმენას – რწმენას, რასაც სწორედ 5 ნომრის ლიდერი, ასე საგულდაგულოდ ანადგურებდა, როცა საპროტესტო ელექტორატს უკიჟინებდა, რომ “არჩევნებს აზრი არ აქვს",- წერს ჩერგოლეიშვილი.

ასევე დაგაინტერესებთ:

🔵 "Ipsos-ის აღმასრულებელი დირექტორი ბენ პეიჯი "მთავარი არხის" ხელმძღვანელის განცხადებას გამოეხმაურა და "სრული ნონსენსი და ნაგავი" უწოდა" - თამთა მეგრელიშვილი

🔵 ნიკა გვარამია კომპანია "იფსოსს", რომელსაც "მთავარმა არხმა" ეგზიტპოლი დაუკვეთა, კორუფციულ გარიგებაში ადანაშაულებს

🔵საქართველოში ადგილობრივი თვითმმართველობის არჩევნების მეორე ტური მიმდინარეობს