„აიწონე, იმხელა ხარ, 2 გრამი ტვინი ხომ უნდა გქონდეს თავში... ჩემნაირმა მშობლებმა რომ შური იძიონ, მღვდლები ეყოფათ?“ - სოსო რობაქიძე გიგი უგულავას

სააკაშვილი არავინ უნდა მოკლას, ამ შემთხვევაში პირველი მე ამოვიღებ ხმას, –  განაცხადა მოკლული ბუტა რობაქიძის მამამ სოსო რობაქიძემ საგანგებოდ გამართულ ბრიფინგზე.

„დღეს საქართველოს ნომერ პირველი ჯალათი ზის ციხეში. ის უბრალოდ არ ჭამს და ამას წამებას ვერანაირად ვერ დავარქმევთ. დღეს მიხეილ სააკაშვილი რომ ყოფილიყო აქ, სულ მცირე 10 000 ადამიანი იქნებოდა უკრაინაში ქართველი გარდაცვლილი“, - თქვა რობაქიძემ.

საქართველოს მესამე პრეზიდენტის ჯანმრთელობასთან დაკავშირებით საუბრისას სოსო რობაქიძე გამოეხმაურა  გიგი უგულავას განცხადებას.

„აიწონე სასწორზე ბატონო უგულავა, იმხელა ხარ და ორი გრამი ტვინი ხომ უნდა გქონდეს თავში, ბატონო უგულავა ნუ დაიწყებ ქვეყნის არევას, ნუ დაიწყებ შურისძიებაზე საუბარს, თორემ ბევრ ჩემნაირ მშობელს გზა გაეხსნება და შურისძიებაზე ფიქრს დაიწყებენ“– აღნიშნა სოსო რობაქიძემ.

რამდენიმე დღის წინ გიგი უგულავამ განაცხადა, რომ: „იარეთ მღვდლებთან, დაგჭირდებათ ძმაკაცობა მღვდლებთან, რადგან წესის აგება მღვდლის საქმეა და ბევრი წესის აგება მოუწევთ. სააკაშვილს მოუვა რაღაც ციხეში და პირდაპირ ვამბობ, ყველა ის ადამიანი, ვინც პასუხისმგებელია ამ ყველაფერზე, მიიღებს დიდ შურისძიებას. მე თვითონ ჩავერთვები შურისძიებაში. ფიზიკურ შურისძიებაზეა საუბარი“.

ასევე საინტერესოა:

🔵 "წლის და ორი თვის იყო, ჩემი შვილი გადავარდა მაღალი, მეორე სართულიდან... იმ დღიდან თავისუფლად ვერ გავდივარ აივანზე...ნიკას ტრაგედია, რომ გავიგე მთელი სხეული მტკივა" - ინგა გრიგოლია

🔵 "და თუ ღმერთი ბავშვებს არ იცავს რანაირი ღმერთია?" - რამაზ გიგაური ნიკოლოზ წულუკიძის ოჯახში დატრიალებული ტრაგედიაზე წერს

🔵 "ჯოჯოხეთი გამოვიარეთ წუხელ" - რა შეემთხვა კიევში მიმავალ გიგა მაქარაშვილს