ამჟამად, იტალიის რესპუბლიკაში არ ფიქსირდება საქართველოს მოქალაქის გარდაცვალების არცერთი ფაქტი

საქართველოს საგარეო საქმეთა სამინისტროს სტრატკომი განცხადებას ავრცელებს და ტვ პირველის გადაცემა “ნოდარ მელაძის შაბათი“-ში გასულ სიუჟეტს დეზინფორმაციას უწოდებს. ოფიციალური უწყება განმარტავს, რომ ამჟამად, იტალიის რესპუბლიკაში არ ფიქსირდება საქართველოს მოქალაქის გარდაცვალების არცერთი ფაქტი.

„2022 წლის 5 თებერვალს, ტვ პირველის გადაცემაში "ნოდარ მელაძის შაბათი" გავრცელდა დეზინფორმაცია იმასთან დაკავშირებით, თითქოს იტალიაში საქართველოს საელჩო მალავს ქართველი ემიგრანტის გარდაცვალების ფაქტს.

საქართველოს საელჩო და საგარეო საქმეთა სამინისტრო სრული პასუხისმგებლობით აცხადებენ, რომ აღნიშნული არ შეესაბამება სიმართლეს.

საქართველოს საელჩო იტალიის რესპუბლიკაში უზრუნველყოფს საქართველოს ყველა გარდაცვლილი მოქალაქის სამშობლოში გადმოსვენების პროცედურებს, რა დროსაც მუდმივ კომუნიკაციაში იმყოფება გარდაცვლილის ოჯახის წევრებთან.

ამჟამად, იტალიის რესპუბლიკაში არ ფიქსირდება საქართველოს მოქალაქის გარდაცვალების არცერთი ფაქტი, რომლის თაობაზეც არ არიან ინფორმირებულნი გარდაცვლილის ოჯახის წევრები.

რაც შეეხება მოქალაქეთა პირადი მონაცემების სხვა პირებისთვის ან მედიისთვის გადაცემას, ეს ეწინააღმდეგება პერსონალური მონაცემთა დაცვის შესახებ კანონს და მხოლოდ ოჯახის წევრებთან შეთანხმებით ხდება.
მსგავსი დეზინფორმაცია, რომლის გადამოწმებასაც არ ცდილობს მედია საშუალება, გვაფიქრებინებს, რომ მიზანმიმართულად ემსახურება საქართველოს დიპლომატიური მისიის დისკრედიტაციას, საზოგადოების შეცდომაში შეყვანას და მღელვარების გამოწვევას.“ - წერია გავრცელებულ განცხადებაში.

აგრეთვე დაგაინტერესებთ:

📌 7 თებერვლის ასტროლოგიური პროგნოზი - ყველაფერი რაც კი ითქმება, ახდება

📌 მთელი „ნაცმოხელისუფლების“ შედეგია რომ იუნესკოში ჩვენ ბაგრატი დავკარგეთ - თეა წულუკიანი

📌 საბერძნეთმა შეამსუბუქა ქვეყანაში შესვლის რეგულაციები საქართველოსთვის და ევროკავშირის არაწევრი სხვა 32 ქვეყნისთვის

📌 საქართველოს პატრიარქი ილია II ელისაბედ მეორეს ტახტზე ასვლის 70 წლისთავს ულოცავს