არასაკმარისად უტიფარი მოადგილე იყო კობახიძესი - გიგი უგულავა კახა კუჭავას გადადგომაზე

ოპოზიციონერი პოლიტიკოსი გიგი უგულავა აცხადებს, რომ კახა კუჭავა საკმარისად „უტიფარი და ველური“ არ იყო და პარლამენტის თავმჯდომარის პოსტის დატოვება ამიტომ მოუწია. 

თბილისის ყოფილი მერი ამბობს, რომ მმართველ გუნდში მიმდინარე საკადრო ცვლილებები, სამეფოკარის თამაშებს ჰგავს.

„ეს ამბავი ანახებს ერთ რამეს – რა არის "ქართული ოცნების" პრიორიტეტი, ქვეყანა იქცევა, ომიკრონის ახალ ტალღას ველოდებით, ყველა პროგნოზით იანვარი და თებერვალი ეპიდემიოლოგიური თვალსაზრისით უმძიმესი იქნება. ჯანდაცვის მინისტრი არ გვყავს და არ ნიშნავენ და ამ დროს სამეფო კარის თამაშებით იქ რაღაც პაიკების გადაადგილება მიდის.

მას შემდეგ, რაც ჩვენს ქვეყანაში ჩამოყალიბდა ივანიშვილის არაფორმალური მმართველობა, მისი დასმული ყველა ადამიანი ბაძავს მას – არაფორმალურად მართავდა ფარცხალაძე პროკურატურას, უჩა მამაცაშვილი – ბიზნესს, არაფორმალურად მართავს კობახიძე პარლამენტს. როგორც ჩანს, კუჭავა არასაკმარისად უტიფარი აღმოჩნდა, არასაკმარისად მკაცრი.

რასაც ვვარაუდობ, ერთადერთი რაც შეიცვლება, კობახიძე ოპოზიციის დეპუტატებს ნაკლებად მისცემს ნებართვას მიხეილ სააკაშვილთან შევიდნენ, ეს თავმჯდომარეს ეხება...

კახა კუჭავა ცდილობდა ადამიანური სახის შენარჩუნებას, დიპლომატებთან დიპლომატიური ურთიერთობა მაინც ჰქონოდა. ანუ არასაკმარისად უტიფარი მოადგილე იყო კობახიძესი და ახლა დანიშნა თავისავით უკეთესად ადმინისტრირებადი“, – ამბობს, გიგი უგულავა.

ასევე დაგაინტერე­­­­სებთ:

🔵შორს არსად მივდივარ - კახა კუჭავა

🔵რა ქონებით მოვიდა და მიდის პარლამენტის თავმჯდომარის თანამდებობიდან კახა კუჭავა?

🔵პარლამენტში კახა კუჭავას, გია ცაგარეიშვილი ჩაანაცვლებს