ჭოუ ციენი: ჩინეთსა და საქართველოს ტრადიციულად მეგობრული პარტნიორობა აკავშირებთ. ჩინეთი ყოველთვის პატივს სცემდა საქართველოს სუვერენიტეტსა და ტერიტორიულ მთლიანობას

 ცოტა ხნის წინ ვესტუმრე შიდა ქართლის რეგიონს და დავესწარი ორი სოფლის საფეხბურთო მოედნის გახსნის ცერემონიას, რომლებიც კონფლიქტის შედეგად დაზარალებული მოსახლეობისთვის ჩინეთის მხარდაჭერით აშენდა, - განაცხადა „დღის ქრონიკასთან“ ესკლუზიურ ინტერვიუში ჩინეთის ელჩმა საქართველოში, ჭოუ ციენმა.

მისივე თქმით, მომავალში ჩინეთი მზადაა, „პატარა, მაგრამ მნიშვნელოვანი“ პროექტების მეშვეობით ხელი შეუწყოს საქართველოს სოციალურ განვითარებას.

„ჩინეთსა და საქართველოს ტრადიციულად მეგობრული პარტნიორობა აკავშირებთ. დიპლომატიური ურთიერთობების დამყარებიდან 30 წელზე მეტი გავიდა. ჩინეთი ყოველთვის პატივს სცემდა საქართველოს სუვერენიტეტსა და ტერიტორიულ მთლიანობას.

ცოტა ხნის წინ ვესტუმრე შიდა ქართლის რეგიონს და დავესწარი ორი სოფლის საფეხბურთო მოედნის გახსნის ცერემონიას, რომლებიც ჩინეთის მხარდაჭერით აშენდა საქართველოში კონფლიქტის შედეგად დაზარალებული მოსახლეობისთვის.

მომავალში ჩინეთი მზად არის კონკრეტული ქმედებებით დაეხმაროს ქართველ ხალხს და „პატარა, მაგრამ მნიშვნელოვანი“ პროექტების მეშვეობით ხელი შეუწყოს საქართველოს სოციალურ განვითარებას.

ჩინეთი უზარმაზარი ქვეყანაა, რომლის სხვადასხვა რეგიონს უნიკალური ეკონომიკური და კულტურული თავისებურებები აქვს. მაგალითად, სიჩუანის პროვინციის ეკონომიკა შვეიცარიისას უტოლდება.

ჩემი აზრით, ჩინეთ-საქართველოს რეგიონთაშორის თანამშრომლობაში უზარმაზარი პოტენციალი და შესაძლებლობებია. ბოლო წლებში ამ მიმართულებით თანამშრომლობა სტაბილურად ვითარდება. ამჟამად უკვე არსებობს 7 დაძმობილებული ქალაქი და რეგიონი. მალე სიჩუანის პროვინცია და თბილისიც გააფორმებენ შეთანხმებას.

საქართველოში ჩინეთის საელჩო მზად არის, აქტიურად შეუწყოს ხელი ორ ქვეყანას შორის რეგიონული თანამშრომლობის გაღრმავებას, პრაქტიკული შედეგებისა და მეტი წარმატების მიღწევას“, - განაცხადა ჩინეთის ელჩმა საქართველოში, ჭოუ ციენმა.