"ეს პერიოდი არ გვიყვარს ნარკოლოგებს, ვინაიდან ადამიანებს ჰგონიათ, რომ დღესასწაულებზე ყველაფერი მოსულა" - ნარკოლოგის 7 რჩევა საზოგადოებას

ნარკოლოგი, ზურაბ სიხარულიძე წინასაახალწლო პერიოდთან დაკავშირებით სოციალურ ქსელ ფეისბუკში წერს:

"გილოცავთ ყველას დამდეგ ახალ წელს და შობას რაც მთავარია ჯანმრთელობას გისურვებთ და ბედნიერები იყავით!!!

ეს პერიოდი არ გვიყვარს ნარკოლოგებს ვინაიდან ადამიანებს ჰგონიათ, რომ დღესასწაულებზე ყველაფერი მოსულა და რა მოხდა ხომ ერთხელ არის ეს ახალი წელი მაგრამ გახსოვდეთ, რომ თქვენც ერთხელ მოხვედით ამ ქვეყანაზე და ნუ ჩაიგდებთ ნურც თქვენ თავს და ნურც სხვისას განსაცდელში და საფრთხეში.

რა არ უნდა გავაკეთო ახალ წელს და ურჩიო ჩემ მეგობრებს და ახლობლებს:

1. ნუ გაიკეთებ ნარკოტიკს

2. როცა დალევ ალკოჰოლს ნუ დაამატებ ზევიდან ნარკოტიკს, ვინაიდან ამ მიქსმა ორმაგად შეიძლება გაზარდოს ზედოზირების რისკი.

3. ნუ გამოართმევ შენთვის უცნობ ნივთიერებას და ნუ გასინჯავ იმას რომ უკეთესად გაერთო მით უმეტეს ახალი წლის ღამეს.

4. ნუ ეცდები მართო ავტომობილი ნასვამ მდგომარეობაში, ან ნარკოტიკის ზემოქმედების ქვეშ.

5. თუ ნახე რომ შენს გვერდზე ვიღაცა ცუდად გახდა აუცილებლად დარეკე 112-ში  და გამოიძახე სასწრაფო და ნუ დატოვებ მეგობარს განსაცდელში.

6. გაერთე მაგრამ ზომიერება შეინარჩუნე და გაატარე დღესასწაულები უსაფრთხო გარემოში.

7. გახსოვდეს, რომ ძალიან დიდია რისკი ზედოზირების, როცა უცნობ ნივთირებას მიიღებ და ზემოდან ალკოჰოლს დაამატებ.

კიდევ ერთხელ გილოცავთ ახალ წელს და ჯანმრთელობას და ბედნიერებას გისურვებთ !!!",- წერს ნარკოლოგი ფეისბუკზე.

სხვა სიახლეები:

🔳 "მკაცრად კონტროლდება, რომ მოქალაქეებმა საახალწლო აქსესუარები და სხვადასხვა ნივთი არ იყიდონ" - ქვეყნები, სადაც პირველ იანვარს ახალ წელს არ აღნიშნავენ

🔳 “კარი გამოვაღე და ჩემ წინ ექვსი წლის უნახავი შვილი იდგა, ყველას გისურვებთ ასეთ ბედნიერ ახალ წელს” - ემიგრანტის წერილი

🔳 "ფსიქოთერაპიული მკურნალობა სააკაშვილს კი არა, მოსახლეობის დიდ ნაწილს ესაჭიროება" - რას წერს თადარიგის გენერალი ამირან სალუქვაძე