(ფოტო, ვიდეო) - ნიუ-იორკში სააკაშვილის სამუდამო პატიმრობის მოთხოვნით, ქართველმა ემიგრანტებმა აქცია გამართეს

"გასამართლდეს ყოფილი პრეზიდენტი მიხეილ სააკაშვილი", "აიკრძალოს ნაციონალური მოძრაობა", "დამკვიდრდეს კანონის უზენაესობა", - ამ და სხვა ლოზუნგებით, ამერიკაში მცხოვრებმა ქართველმა ემიგრანტებმა, ნიუ-იორკში საქართველოს გენერალურ საკონსულოსთან, მიხეილ სააკაშვილის წინააღმდეგ, საპროტესტო აქცია გამართეს.

შეკრებილებმა, ყოფილი პრეზიდენტის მმართველობის რეჟიმი გააპროტესტეს. მათი განცხადებით, მიუხედავად სტატუსისა, ნებისმიერმა ადამიანმა სამართლის წინაშე უნდა აგოს პასუხი.

"ჩვენ აქ ვართ იმ ხალხის სახელით, რომელთაც ხმა არ გააჩნიათ, რადგან ისინი არიან სააკაშვილის რეჟიმის მსხვერპლი და არიან გარდაცვლილები.  ამიტომ მე ვფიქრობ, რომ ვიღაც უნდა იყოს მათი ხმა!  მე გირგვლიანის დედის სახელით ვარ"- განაცხადა აქციის ერთ-ერთმა მონაწილემ.

ემიგრანტებმა აქციაზე, მიხეილ სააკაშვილის რეჟიმის დროს წამების, მკვლელობების ფაქტები გაიხსენეს, რომელიც არ იქნა გამოძიებული, ხოლო დამნაშავეები დასჯილი.

"მე ვარ სულხან მოლაშვილის, ბუტა რობაძიძის, ხმა….ვარ შარაძის, თეთრაძის ხმა საერთო მოსაზრებით, რომ გამოაცხადონ "ნაციონალური მოძრაობა", როგორც კრიმინალური მოძრაობა. ის უნდა აკრძალულიყო, ამიტომ ძალიან გთხოვთ, საქართველოს მოქმედ ხელისუფლებას, ერთხელ და სამუდამოდ დამკვიდრდეს კანონის უზენაესობა", - აღნიშნა აქციის კიდევ ერთმა მონაწილემ.

ემიგრანტების თქმით, საქართველოში კანონის უზენაესობა ერთხელ და სამუდამოდ უნდა დამკვიდრდეს.

ასევე დაგაინტერესებთ:

🔘 ნათიამ ძალიან ბევრი რამ გააკეთა დათოსთვის... იდეალურ ურთიერთობაში იყვნენ. ეს იმას არ ნიშნავს, რომ ალექსანდრა...“ - რას წერს ჟორჟოლიანი ყოფილი მაზლის სკანდალზე

🔘"მეც არ მემეტება პატარა ბავშვები ორგანოების სავაჭრო ქსელში, მაგრამ გეუბნები რამეს?" - ალექსანდრა პაიჭაძე მარიამ კუკუნაშვილის კრიტიკას ეხმაურება

🔘 “კოვიდ კრიზისი შესაძლოა 2022 წელსაც გაგრძელდეს” - WHO