გიორგი ფხაკაძე: ომიკრონი, სავარაუდოდ, უკვე საქართველოშიც არის

"დეკემბერი არის საშინელი და პრაქტიკულად, ჩვენ არაფერს ვაკეთებთ, რომ შევაჩეროთ ეს ვირუსი. ომიკრონი, სავარაუდოდ, უკვე საქართველოშიც არის", - ამის შესახებ საზოგადოებრივი ჯანდაცვის ექსპერტმა გიორგი ფხაკაძემ "პირველი არხის" ეთერში განაცხადა.

ჯანდაცვის ექსპერტმა, ანტისხეულების ტესტებზეც ისაუბრა და აღნიშნა, რომ ანტისხეული არ არის გამოსავალი და ეს არ არის ინდიკატორი, დაგემართება თუ არა კოვიდი.

 "უნდა ვიყოთ პრაგმატულები და მივხედოთ ჩვენს თავს. უნდა გადავიდეთ მაღალ ეფექტურ ვაქცინებზე“, – აცხადებს გიორგი ფხაკაძე.

სხვათა შორის, საქართველოში ყველას უყვარს ტესტების გაკეთება და ვხედავ, რომ საქართველოში ძალიან ბევრი ლაბორატორია მილიონობით ფულს აკეთებს სწორედ ამ ანტისხეულების ტესტებით.

ანტისხეული ეს არის მხოლოდ ერთი მიმართულება.

იცით, როგორ არის? – მიდიხარ, იკეთებ ტესტს და მერე ყველაფერი კარგად არის.

არადა, კოვიდი მარტო ანტისხეულებზე არ არის დამოკიდებული, კიდევ სხვა მექანიზმზეა საუბარი და ასევე, კვლევებშია საუბარი, რომ არ მინდა, არასამედიცინო ენა გამოვიყენო, მაგრამ არის კიდევ სხვა კონკურენტები და სხვა ტესტები, რომლებიც აჩვენებს, რომ შესაძლებელია, ანტისხეულები მაღალი იყოს, მაგრამ სხვა ინდიკატორები აჩვენებს, რომ პირიქით, ამ ადამიანს შეიძლება, დაემართოს კოვიდი.

შესაბამისად, მარტო ანტისხეული არ არის გამოსავალი და ეს არ არის ინდიკატორი, შენ დაგემართება თუ არ დაგემართება კოვიდი", – აღნიშნავს ფხაკაძე.

სხვა სიახლეები:

🔲 კორონავირუსით კიდევ 49 ადამიანი გარდაიცვალა - ბოლო 24 საათის კოვიდსტატისტიკა

🔲 "მძიმეა როდესაც ვინმეს შორსწასული ფორმის სიმსივნე აქვს და შენ თვალწინ ემოციურად ტყდებიან… შენც გეტირება მათთან საუბრისას"- გიორგი ღოღობერიძის ემოციური პოსტი