გიორგი პატარიძე: ლაითურში აშენდება კინოთეატრი და შეიქმნება სივრცე, რათა მსჯავრდებულს ჰქონდეს გრძნობა იმისა, რომ ის თუნდაც რამდენიმე საათით იმყოფება თავისუფლებაზე

ლაითურის N1 დაწესებულებაში ჩვენი ინოვაციური პროექტს ვახორციელებთ,იქ აშენდება კინოთეატრი და შეიქმნება სივრცე, რათა მსჯავრდებულს ჰქონდეს გრძნობა იმისა, რომ ის თუნდაც რამდენიმე საათით იმყოფება თავისუფლებაზე, ამ დონეზე ვფიქრობთ ხოლმე ჩვენ მსჯავრდებულებზე, ამიტომ პარალელების გავლება უადგილოა.რეჟიმზე და სასაკლაოზე გვესაუბრებთ რაც 2012 წლამდე ხდებოდა, - განაცხადა გადაცემაში "ღია ეთერი" პენიტენციური დაწესებულების გენერალურმა დირექტორმა გიორგი პატარაძემ მოძრაობა „სოციალური დემოკრატიისთვის“ წევრის, სტუდენტ ლაზარე ქარჩხაძის საპასუხოდ.

მისი თქმით,ლაითურის N1 პენიტენციური დაწესებულება უნიკალური დაწესებულებაა, რომელსაც შესაძლებლობა აქვს მიიღოს როგორც დაბალი, ისე საშუალო, მომეტებული და ასევე მაღალი რისკის მსჯავრდებულები.

"დღეს უკვე ჩვენი ინოვაციური პროექტის განხორციელების ეტაპზე ვართ ლაითურში. იქ აშენდება კინოთეატრი, რომელიც იქნება მაღალი სტანდარტების, ცალკე მდგომი შენობა.დაბალი რისკის მსჯავრდებულებს შესაძლებლობა ექნებათ დაესწრონ კინოჩვენებს,სხვადასხვა ღონისძიებებს. მეტიც, ჩვენ პენიტენციური სამსახური,როდესაც მსგავსი პროექტების განხორციელებას ვგეგმავთ,მაშინ განსაკუთრებულად ვფიქრობთ მსჯავრდებულებზე და იმაზე, რომ შევქმნათ სივრცე,რათა მსჯავრდებულს ჰქონდეს გრძნობა იმისა, რომ თუნდაც რამდენიმე საათით იმყოფება თავისუფლებაზე. იქ იქნება მოწყობილი ე.წ ზებრა გადასასვლელები, შუქნიშნები და ასევე ამორტიზირებული მანქანა,რომელსაც პენიტენციური სამსახური ჩამოწერს, განთავსება ამ კონოთეატრთან. ამ დონეზე ვფიქრობთ ხოლმე ჩვენ მსჯავრდებულებზე. ამიტომ პარალელების გავლება უადგილოა.რეჟიმზე და სასაკლაოზე გვესაუბრებით, რაც 2012 წლამდე ხდებოდა", - განაცხადა პატარიძემ.