კარლ ჰარცელი და მისი მეუღლე ვიდეომიმართვას ავრცელებენ - "საქართველო ყოველთვის იქნება ჩვენი ნაწილი"

საქართველოში ევროკავშირის ელჩი კარლ ჰარცელი და მისი მეუღლე მეტე ჰარცელი საქართველოს მოქალაქეებისადმი გამოსამშვიდობებელ ვიდეომიმართვას ავრცელებენ.

„დადგა დრო, როდესაც ოთხი დაუვიწყარი წლის შემდეგ საქართველო უნდა დავტოვოთ.

ჩვენ ძალიან მადლიერნი ვართ ამ ქვეყანაში გატარებული წლებისთვის.

არაჩვეულებრივი იყო ის სითბო და სიკეთე, რომელიც ჩვენ საქართველოს მოქალაქეების, იმ ადამიანების მხრიდან ვიგრძენით, რომლებსაც თბილისსა და საქართველოს სხვა კუთხეებში ვხვდებოდით.

ძალიან დიდი მადლობა, საქართველო, ყველაფრისთვის“, – აცხადებს მეტე ჰარცელი ვიდეომიმართვაში.

ევროკავშირის ელჩი კარლ ჰარცელი ასევე მადლობას უხდის საქართველოს მოქალაქეებს.

„დიდი მადლობა იმისათვის, რომ საქართველოს ნაწილად გვაქციეთ, იმიტომ, რომ საქართველო ყოველთვის იქნება ჩვენი ნაწილი.

საქართველო საოცარი, უნიკალური ქვეყანაა.

თქვენ წინაპრების მხრებზე დგახართ, იმ ბუმბერაზების, რომლებმაც იბრძოლეს ამ ქვეყნისთვის, ტრადიციებისთვის, კულტურისთვის, ენისა და მემკვიდრეობისთვის“, – აცხადებს კარლ ჰარცელი.

როგორც ​ევროკავშირის ელჩი აღნიშნავს, გასულ თვეში ევროკავშირმა დაადასტურა, რომ საქართველოს ევროპული პერსპექტივა აქვს და რომ საქართველო ევროპული ერების ოჯახის წევრია.

„თქვენ ალბათ იცოდით, რომ საქართველო ევროპული ქვეყანა იყო, ვიცოდი მეც და იცოდა საქართველოს ბევრმა მეგობარმაც, თუმცა არ შეიძლება, არ დავაფასოთ ის, რომ ევროკავშირმა საქართველო პოტენციურ მომავალ წევრად ოფიციალურად აღიარა.

მიუხედავად იმისა, რომ წინ არაერთი ბრძოლაა, ჩვენთვის საამაყოა, რომ ვართ ამ ისტორიული მომენტის მომსწრენი და გვჯერა, რომ ამ მომენტით შექმნილ შესაძლებლობებს საქართველო წარმატებით გამოიყენებს.

არა მხოლოდ იმიტომ, რომ ისტორიის განმავლობაში არაერთხელ დაამტკიცეთ, რომ უკან დახევას არ ეგუებით, არამედ იმიტომაც, რომ საქართველო ევროპულ საფუძველს ეყრდნობა.

საქართველოც იღებდა მონაწილეობას იმ ღირებულებების ჩამოყალიბებაში, რასაც დღეს ევროპულ ღირებულებებს უწოდებენ და ამიტომ, გაქვთ შესაძლებლობა, წვლილი შეიტანოთ ევროპის გაძლიერებაში.

თქვენი ენერგია და სულისკვეთება აღმაფრთოვანებელია. და როდესაც დადგება დღე, როცა მთელი ეს ენერგია ერთი მიზნისკენ იქნება მიმართული, თქვენ ვერავინ და ვერაფერი შეგაჩერებთ.

მომავალ შეხვედრამდე“, – აღნიშნავს კარლ ჰარცელი ვიდეომიმართვაში.

კარლ ჰარცელი საქართველოში ოთხწლიან დიპლომატიურ მისიას ასრულებს.

ასევე დაგაინტერესებთ:

📍“უსახლკაროს სტატუსი, დაახლოებით, 400-მდე ოჯახს აქვს - არცერთი უსახლკარო თბილისელი საცხოვრებელი ფართის გარეშე არ დარჩება“

მასალის გამოყენების პირობები


მთავარი სიახლეები




სხვა სიახლეები

1768500909

სპორტი

ნიკა ეგაძე ევროპის ჩემპიონატზე მოკლე პროგრამის შემდეგ პირველ ადგილზეა

ფიგურული ციგურაობის ევროპის ჩემპიონატზე დღეს ქართველმა მოციგურავემ, ნიკა ეგაძემ ვაჟთა შორის ერთეულებში იასპარეზა. მან მოკლე პროგრამა მაღალ დონეზე შეასრულა და მსაჯებისგან 91,28 ქულა მიიღო. ამ მაჩვენებლ...

ნიკა ეგაძე

1768499351

მსოფლიო

POLITICO: „ვენსს ვძულვართ“ - ევროპის შიში გრენლანდიის გამო იზრდება, რადგან მოლაპარაკებებში აშშ-ის ვიცე-პრეზიდენტი ერთვება

ამერიკის მხრიდან გრენლანდიის მითვისების მუქარების ფონზე, დანიის საგარეო საქმეთა მინისტრი და მისი გრენლანდიელი კოლეგა ვაშინგტონში გაემგზავრნენ - როგორც თავად იმედოვნებდნენ - სახელმწიფო მდივანთან, მარკო...

ჯეი დი ვენსი

1768496562

მსოფლიო

ფაშინიანი: ყველაფერი გავაკეთეთ და მომავალშიც გავაკეთებთ იმისათვის, რომ გავფანტოთ ირანის ისლამური რესპუბლიკის, ჩვენთვის მეგობარი და მოძმე ქვეყნის, ყველა შეშფოთება

სომხეთის პრემიერ-მინისტრმა, ნიკოლ ფაშინიანმა განაცხადა, რომ სომხეთი ყურადღებით ეკიდება ირანის ისლამური რესპუბლიკის განცხადებებს და გააგრძელებს ნაბიჯების გადადგმას მეგობარი ქვეყნის ყველა შეშფოთების გას...

ფაშინიანიფაშინიანი

1768495373

საზოგადოება

თამარ იოსელიანი: ავიაციის სექტორისთვის 2025 წელი ყველა მიმართულებით რეკორდული იყო, რაც გვაძლევს იმის თქმის საშუალებას, რომ თბილისის საერთაშორისო აეროპორტის გაფართოება აუცილებელია

ეკონომიკისა და მდგრადი განვითარების მინისტრის მოადგილის თამარ იოსელიანის განცხადებით, საქართველოს ავიასექტორის ზრდის პირობებში მნიშვნელოვანია შესაბამისი ინფრასტრუქტურის განვითარებაც, რომელიც დამატებით...

თამარ იოსელიანი

1768491094

საზოგადოება

მარიამ ქვრივიშვილი: ფრანგული ADP Group-ი თბილისის საერთაშორისო აეროპორტის ინფრასტრუქტურის განვითარებაში დაახლოებით 150 მილიონი აშშ დოლარის ინვესტიციას ჩადებს

ეკონომიკისა და მდგრადი განვითარების მინისტრის მარიამ ქვრივიშვილის ინფორმაციით, ფრანგული ADP Group-ი თბილისის საერთაშორისო აეროპორტის ინფრასტრუქტურის განვითარებაში დაახლოებით 150 მილიონი აშშ დოლარის ინ...

მარიამ ქვრივიშვილ