კირცხალია: კიდევ ერთხელ, საიუბილეოდ „ქართულმა ოცნებამ“ უნდა აჩვენოს ის შედეგი, რაც არის ჩვენი საზოგადოების დაკვეთა - ის პრაგმატული პოლიტიკა, რამაც ჩვენი ქვეყანა ცეცხლის რკალში სამშვიდობოს გაიყვანა

 კიდევ ერთხელ, საიუბილეოდ „ქართულმა ოცნებამ“ უნდა აჩვენოს ის შედეგი, რაც არის რეალურად ჩვენი საზოგადოების დაკვეთა,  - განაცხადა ფრაქცია „ქართული ოცნების“ თავმჯდომარის პირველმა მოადგილემ ირაკლი კირცხალიამ.

მისი თქმით, ეს არის ის პრაგმატული პოლიტიკა, რამაც საქართველო სამშვიდობოს გაიყვანა და რაც კარნახობს საზოგადოებას იმ გადაწყვეტილებას, რა გადაწყვეტილებასაც წლიდან წლამდე და არჩევნებიდან არჩევნებამდე იღებს.

„კიდევ ერთხელ, საიუბილეოდ „ქართულმა ოცნებამ“ უნდა აჩვენოს ის შედეგი, რაც არის რეალურად ჩვენი საზოგადოების დაკვეთა. ეს არის ნათელი, განსაკუთრებით 2022 წლის შემდეგ, ეს არის ის სამშვიდობო პოლიტიკა, ის პრაგმატული პოლიტიკა, ცივი გონებით მიღებული გადაწყვეტილებები, რომლებმაც ჩვენი ქვეყანა ამ ცეცხლის რკალში რეგიონალურ ჭრილში და არამხოლოდ, გაიყვანა სამშვიდობოს. მაგრამ ეს ჯერ კიდევ არ არის დასრულებული იმიტომ, რომ ვხედავთ, თუ როგორი ტრანსფორმირება ხდება ავიღოთ რუსეთ-უკრაინის ცხელი ომი შუაგულ ევროპაში და არამხოლოდ, ზოგადად, რეგიონში დაძაბულობა. ეს პოლიტიკა კარნახობს ჩვენს საზოგადოებას იმ გადაწყვეტილებას, რა გადაწყვეტილებასაც წლიდან წლამდე და არჩევნებიდან არჩევნებამდე იღებს“, - განაცხადა ირაკლი კირცხალიამ.