მაგრად მიყვარხარ, მაგრად მომენატრები შევხვდებით იქ - ნოდარ მელაძე გარდაცვლილ მოსამართლეს ემშვიდობება

„ტვ პირველის“ საინფორმაციო სამსახურის უფროსი, ჟურნალისტი ნოდარ მელაძე მოსამართლე დალი მეტრეველის გარდაცვალებას სოციალურ ქსელში ეხმაურება. როგორც მელაძე წერს, დალი მეტრეველს 18 წლის ასაკიდან იცნობდა და მეგობრობდა.

„უმაგრესი ადამიანი წავიდა  და ამ დროს ფიქრობ, განა რა არის ეს ცხოვრება, არაფერი, წამში მთავრდება ყველაფერი. პატარა ვიყავი, რომ გავიცანი, 18 წელი ცოტა დრო არ არის, არ არსებობდა რამე გამორჩენოდა, არ მოეკითხე, არ ეფიქრა შენზე, არ ერჩია რამე. როგორ უხაროდა, ამ ავ სენთან ბრძოლაში ყველა რაუნდის დამარცხება, მაგრამ საბოლოოდ სძლია. მაგრად მიყვარხარ, მაგრად მომენატრები შევხვდებით იქ“,-წერს მელაძე.

მოსამართლე დალი მეტრეველი გარდაიცვალა. გავრცელებული ინფორმაციით, მას სიმსივნე ჰქონდა.

დალი მეტრეველი 2000-2003 წლებში მუშაობდა საქართველოს შსს საგამოძიებო დეპარტამენტში გამომძიებლის თანამდებობაზე. 2003-2006 წლებში გაგრის საქალაქო სასამართლოს მოსამართლე იყო.

2006-2016 წლებში თბილისის საქალაქო სასამართლოს სისხლის სამართლის საქმეთა კოლეგიის მოსამართლე იყო.

2017 წლის მაისიდან არის თბილისის საქალაქო სასამართლოს საგამოძიებო და წინასასამართლო სხდომის კოლეგიის მოსამართლე.

2019 წლის ოქტომბრიდან თანამდებობაზე გამწესებული იყო უვადოდ.

ასევე დაგაინტერე­­­­სებთ:

🔵პატიმრის სიკვდილის გამო პენიტენციური სამსახურის 3 თანამშრომელს ბრალი წარედგინა

🔵ზესტაფონში 5 ადამიანი ემსხვერპლა ავტოავარიას

🔵ეს ბიძინა ივანიშვილის თეთრეულია, მინისტრები – საცვლები და რომელიც აღარ ირეცხება იცვლის - ირინა სარიშვილი