"მაჯარიმებენ 25 000 ლარით, ასევე მინგრევენ სახლს, რომლის ხარჯების გასტუმრებაში ვართ დღემდე...მერამდენედ უნდა დავიწყოთ ცხოვრება თავიდან?" - აფხაზეთიდან დევნილი ოჯახი დახმარებას ითხოვს
თბილისში მცხოვრები აფხაზეთიდან დევნილი ოჯახი დახმარებას ითხოვს.
როგორც სოციალურ ქსელში ფეისბუკმომხმარებელი მალხაზ მიქავა წერს, მისი ოჯახის მიერ წვალებით აშენებულ სახლს, სახელმწიფო დემონტაჟს უპირებს, რადგან როგორც მოქალაქე წერს მთავრობის ბრალდებით, დევნილმა ოჯახმა სახელმწიფოს მიწა "უკანონოდ მიიტაცეს".
ამავე პოსტიდან ირკვევა, რომ ამასთან ოჯახს 25 000 ლარიანი ჯარიმა ეკისრება კანონდარღვევისთვის.
მალხაზ მიქავას პოსტს უცვლელად გთავაზობთ:
"#დევნილთა, შრომის, ჯანმრთელობისა და სოციალური დაცვის სამინისტრო
1993 წელი - 17 წლის მამაჩემი, ხდება დევნილი, ტოვებს აფხაზეთს, ტოვებს საკუთარ სახლ-კარს და სვანეთის გავლით, ხვდება თბილისში ახალი რეალობით და ცარიელი ფურცლებით, ფაქტი ჯიუტად იჩემებს, რომ მან ცხოვრება ახლიდან უნდა დაიწყოს და არაფრისგან, შექმნას რაიმე საარსებო.
რამდენიმე წლის შემდეგ სახელმწიფო მას აკმაყოფილებს დაახლოებით 20 კვადრატული ბინით, 5 სართულიან, ავარიულ შენობაში. 1996 წელს ოჯახდება, 1998 წელს ჩემი და დაიბადა, 2000 წელს მე. დედ-მამა გვზრდიდა ამ პატარა ბინაში, სადაც დიდი სიყვარული და ოჯახური ჰარმონია სუფევდა.
ამ უბანში ჩემს დაბადებამდე, მამაჩემმა შემოღობა ეზო, რომელსაც უვლიდა და ახლა ერთად ვუვლით, 2016 წელს ეკონომიკური პრობლემების ფონზე, მოგვიწია ბინის გაყიდვა და ამ დღეს მამაჩემი თავის ოჯახთან ერთად, ისევ თავიდან იწყებს ცხოვრებას.
2016 წლიდან ვცხოვრობდით ქირით და 2018 წელს, ზემოხსენებულ ეზოში, სადაც იყო ღობე, ხეხილი და არცერთი ფიზიკური პირი წინააღმდეგი, ავაშენეთ სახლი, იმ მოტივით რომ სხვაგან წასასვლელი არ გვქონდა.(თუმცა ეს ახლაც ასეა.)შევიტანეთ უამრავი განცხადება, მიწის გაფორმებასთან დაკავშირებით, თუმცა ქაღალდი, ქაღალდად დარჩა.
პირადად მე, არანაირი, ვიმეორებ, არანაირი ფართი არ მიმიღია სახელმწიფოსგან როგორც დევნილს, ვცხოვრობთ ჩვენივე ხარჯებით აშენებულ სახლში და ზედმეტს არც არაფერს ვითხოვ.
დ ღ ე ს - ჩემი ეზო და სახლ-კარი არის სახელმწიფო ინტერესებში და მაჯარიმებენ 25 000 ლარით, ასევე მივიღე განკარგულება სახლის დემონტაჟის თაობაზე. იმიტომ რომ სახლი უკანონოდ ავაშენე. უამრავი კითხვა მაქვს, მაგრამ პასუხი ერთი - "შენ მიწა მიიტაცე". თუმცა ჩემი ფაქტიც ჯიუტია, რომ სხვაგან წასასვლელი არ მაქვს.
" ხ ვ ა ლ "- მოვლენ და დაიწყებენ ჩემი სახლის ნგრევას, იმ ხარჯებს თუ შევეშვებით, რა დაუჯდა ჩემს ოჯახს მისი აშენება და დღემდე რომ მის გასტუმრებაში ვართ, უნდა ითქვას ელემენტარული, ვრჩები სახლ-კარის გარეშე და უკვე მერამდენედ მოგვიწევს ცხოვრების ახლიდან დაწყება, არ ვიცი.
მე კონკრეტულად არ ვიცი რა იქნება ხვალ, თუმცა ხომ უნდა მქონდეს იმის გარანტი, რომ ყველაფერს წყალი ვერ წაიღებს ასე უკვალოდ და უბრალოდ.
მ ო ვ ი თ ხ ო ვ - როგორც აფხაზეთიდან დევნილი, ამ ქვეყნის უმისამართო მოქალაქე, არ დავრჩეთ მე და ჩემი ოჯახი ჭერის გარეშე, რადგან არ გაგვაჩნია არანაირი სახსრები ახალი ბინის საყიდლად. პასუხი კითხვაზე, რატომ ავაშენე დაუკანონებელ მიწაზე სახლი, არის ძალიან მარტივი, სახელმწიფოგან არ მიმიღია არანაირი ფართი ან ფულადი დახმარება, თუ არ ჩავთვლით დევნილების შემწეობის 45 ლარს, რომლითაც თვეში ერთხელ "ვმდიდდრდებით."
ყველანაირად ვეცდები დავამტკიცო ჩემი სიმართლე.
ყველანაირად აღვუდგები ნებისმიერ წინააღმდეგობას, რადგანაც უსამართლობას, მხოლოდ სამართლიანობა თუ დაამარცხებს", - წერს ფეისბუკმომხმარებელი.
1713164760
ახალი ამბები"არა რუსულ კანონს! მონებო!" - "უცხოური გავლენების გამჭვირვალობის შესახებ" კანონის განხილვა პარლამენტმა აქციის ფონზე დაიწყო
საქართველოს პარლამენტის უკანა შესასვლელთან აქცია დაიწყო. პარალელურად, "ქართული ოცნება" ხელახლა ინიცირებული კანონის განხილვას იურიდიულ საკითხთა კომიტეტზე იწყებს. აქციაზე შეკრებილები არიან ონლაინ მედიე...
1713159996
ჰოროსკოპირა გელოდება დღეს - 15 აპრილის ასტროლოგიური პროგნოზი ზოდიაქოს ყველა ნიშნისთვის
ვერძი თუ გსურთ თანამოსაუბრის კეთილგანწყობა მოიპოვოთ, მასზე ზეწოლას ნუ მოახდენთ და პირდაპირ არ მოითხოვოთ ის, რისი მიღებაც გსურთ. თქვენმა იმპულსურობამ და გადაჭარბებულმა აქტიურობამ შეიძლება ოპონენტები შე...
1713094502
ახალი ამბებითავდასხმას სიდნეიში ქართველი ქალი, ფიქრია დარჩია ემსხვერპლა
სიდნეის სავაჭრო ცენტრში მომხდარი თავდასხმის დროს ქართველი ფიქრია დარჩია დაიღუპა. სავაჭრო ცენტრში დანით შეიარაღებული პირი 13 აპრილს შეიჭრა. თავდასხმის შედეგად 6 ადამიანი დაღუპა. ავსტრალიის ქალაქ სიდნე...
1713092693
საზოგადოება18 წლის სამტრედიელი მარიამ კვინიკაძე ესპანეთში, “IE university”-ში მიიწვიეს სასწავლებლად
18 წლის სამტრედიელი მარიამ კვინიკაძე ესპანეთში, “IE university”-ში მიიწვიეს სასწავლებლად. გოგონა იურიდიულ ფაკულტეტზე ისწავლის. სწავლა სექტემბერში იწყება, მანამდე კი მარიამი ონლაინ შეძლებს გაეცნოს თავ...
1713092108
ახალი ამბები3 დაღუპული და რამდენიმე დაშავებული – ბაღდათიდან თბილისის მიმართულებით მოძრავი მიკროავტობუსი ავარიაში მოჰყვა
ბაღდათიდან თბილისის მიმართულებით მოძრავი მიკროავტობუსი ავარიაში მოჰყვა. როგორც “ინფო იმერეთს” თვითმხილველებმა განუცხადეს, ავტოსაგზაო შემთხვევის შედეგად 3 ადამიანი დაიღუპა და რამდენიმე დაშავდა. დაშავებ...