მამუკა მდინარაძე: არის მოსაზრება, რომ „ქართული ოცნებისთვის“ „ნაცმოძრაობა“ არის კომფორტული მოწინააღმდეგე იმიტომ, რომ დისკრედიტირებულია. როცა „ნაცმოძრაობის“ წარმომადგენელი გიდგება კონკურენტად, იქ ბუნებრივია შენ მოიგებ ყველა ვარიანტში

მიხვდნენ, რომ „ნაცმოძრაობა“ არის იმდენად დისკრედიტირებული, რომ არაფერი არ ეშველება. არის მოსაზრება და შეიძლება გარკვეული საფუძველიც ჰქონდეს ამას, რომ „ქართული ოცნებისთვის“ „ნაცმოძრაობა“ არის კომფორტული მოწინააღმდეგე იმიტომ, რომ დისკრედიტირებულია. როცა „ნაცმოძრაობის“ წარმომადგენელი გიდგება კონკურენტად იქ ბუნებრივია შენ მოიგებ ყველა ვარიანტში, - განაცხადა გადაცემაში „იმედი LIVE“ საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანმა, მამუკა მდინარაძემ „ლელოს“ და გახარიას პარტიის არჩევნებში გაერთიანებასთან დაკავშირებით.

მისი თქმით, ოპოზიციური პარტიების საერთო პატრონი მიხვდა, რომ „ნაცმოძრაობას“ არანაირი შანსი არ აქვს არჩევნების მოგების, ამიტომ წინა პლანზე „ლელო“ და გახარიას პარტია გამოუყვანა.

„უტოპიური მიზნებიც ხომ არსებობს? ვიღაცებს სჯერათ, რომ ეს უტოპიური მიზნები შესრულებადია. მე, მაგალითად, უტოპიურ მიზნად მიმაჩნია და, რაც არ უნდა ჯერემი როზნერი ხელახლა დაიქირაოს „ლელომ“ შეუსრულებელი მისიაა, როდესაც შენ კარგი, ჯანდაბას ამბობ, „ნაცი“ გასაგებია, გვარამიაც და მელიაც „ნაცია“ გასაგებია, მაგრამ აგერ, გახარია და „ლელო“ ხომ არ არიან „ნაცები?!“ ანუ ოპოზიციის რებრენდინგი უნდა, რომ ამგვარად დაალაგოს ვიღაცამ. შეუძლებელია, იმიტომ, რომ როდესაც ერთ ხაზში ხარ და ერთი მხრიდან და ეს ერთი მხარე არის „დიფ სთეითი“ იღებ მითითებებს, „ნაცი“ ამ შემთხვევაში პარტიულ კუთვნილება კი არ არის, რა ვერ ისწავლეს, არის მიმართულება შენი პოლიტიკურ-სოციალური მდგომარეობის. ანუ შენ ხარ ამ „ნაცურ“ სოციუმში, ეს არის კრებსითი სახელი რაღაც ცუდის, ამორალურის, პოლიტიკური ამორალურობის თვალსაზრისით განსაკუთრებით და ამ შემთხვევაში ჩვენ, რომ „ლელოს“ ვეძახით „ნაცს“, იმიტომ კი არ ვეძახით, რომ ისინი„ ნაცმოძრაობის“ წევრები არიან, არასდროს არ ყოფილან „ნაცმოძრაობის“ წევრი, ასე ოფიციალურად წევრი ბევრი არ ყოფილა მაგრამ მის მიზნებსაც იზიარებდა, კოალიციაშიც შედიოდა გახარიასი არ იყოს და მერე „ნაცებს“ აგინებდა ვითომ.

ეს არის დალაგებული დავალებაა. მიხვდნენ, რომ „ნაცმოძრაობა“ არის იმდენად დისკრედიტირებული, რომ არაფერი არ ეშველება. არის მოსაზრება და შეიძლება გარკვეული საფუძველიც ჰქონდეს ამას, რომ „ქართული ოცნებისთვის“ „ნაცმოძრაობა“ არის კომფორტული მოწინააღმდეგე იმიტომ, რომ დისკრედიტირებულია. როცა „ნაცმოძრაობის“ წარმომადგენელი გიდგება კონკურენტად იქ ბუნებრივია შენ მოიგებ ყველა ვარიანტში. მაგრამ თემა ის არის, რომ სულ, რომ მათთან კავშირი არ ჰქონდეთ და ერთი პატრონი არ ჰყავდეთ არ შეიძლება ისეთი ქმედებების ავტორები თავისი ქვეყნის წინააღმდეგ, როგორიც „ლელოში“ და გახარიას პარტიაში არიან, არ შეიძლება ასევე, დაუდგნენ თანაბარ წონად ოპონენტებად „ქართულ ოცნების“ რომელიმე წარმომადგენელს.

„ნაცობა“ არის ქვეყნის მტრობა და არა პარტიული კუთვნილება. რაღაცნაირად დიფერენციაცია უნდა გავაკეთოთ ამ ხალხის. ზოგადად ოპოზიციონერი ადამიანის და აგენტურის, რომელიც თავს იყრის პირობით კოალიციაში“, - განაცხადა მამუკა მდინარაძემ.