„მერე მოვიდნენ გამყიდველი ქართველები და როგორი სულგაყიდული საქმე ჰქნეს იცით?!“ - სოლომონ ნერგაძე
იტალიაში მოღვაწე ბიოტექნოლოგიების დეპარტამენტის პავიას უნივერსიტეტის მოლეკულური ბიოლოგიის ასისტენტ-პროფესორი სოლომონ ნერგაძე, რომელიც ასევე შესანიშნავი პუბლიცისტია, სოციალურ ქსელში მორიგ საინტერესო წერილს აქვეყნებს.
„აფხაზეთი და სამაჩაბლო ჩვენი ქვეყანა იყო ადამიანებო...
აფხაზეთი და სამაჩაბლო ჩვენი ქვეყანაა!...
დავივიწყოთ და მოვინელოთ?!
საით მივექანებით?
ბევრი წლის წინ ჩვენთან, ბაღდათში, ერთმა ჩვენმა ნათესავმა ბიჭმა, ძალიან მაგარმა ბიჭმა, სოხუმიდან მოტაცებული გოგონა მოგვაყენა სახლში - ცოლი მოვიყვანეო.
სვანები მოგვადგნენ მეორე დღეს.
მახსოვს, მამამ და ბაბუამ ბევრი იდავეს - ჯერ ეზოში რომ შემოეყვანათ და მერე გაშლილ სუფრასთან მიეპატიჟებინათ.
მაშინ, ბავშვს, მიკვირდა - აფხაზეთიდან გოგო მოიტაცა და სვანები რატომ მოგვადგნენ-მეთქი.
ვილისით იყვნენ. წელზე ყამები და ხანჯლები ეკიდათ.
გოგოს მამა გაჯიქებული იყო - გამომიყვანეთ, ჩემი შვილი მანახვეთ, თუ ნებით წამოჰყვა, მოვკლავ და მორჩებაო.
ბაბუამ გააჩერა - ან ეზოში შემობრძანდით და წყნარად დავილაპარაკოთ, ან ამოიღე მაგ ხანჯალი და დამკარი, გოგოს მე არ განახვებო.
წლების მერე ვკითხე ბაბუას - რომ ამოეღო და დაერტყა, რას შვებოდი-მეთქი?!
ბაბუ, არც სვანი და არც აფხაზი, არასოდეს უსამართლოდ ხანჯალს არ დაგარტყამს. მასზე ოდნავ უფროსი თუ ხარ, დამნაშავეც რომ იყო არაფრით ხანჯალს არ იხმარსო...
ორივე კუთხის ხალხს ვენაცვალე. სამივე კუთხის ხალხს ვენაცვალე და, რა ვქნათ, დავივიწყოთ აფხაზეთი და სამაჩაბლო?!
ახლა მე გეტყვით ერთ რამეს - ბარე ორს არ მოგეწონებათ, მარა სულ ფეხებზე მკიდია, მოგეწონებათ თუ არა:
სანამ "მონადირე" იდგა დალის ხეობაში სოხუმის თავზე დაკიდებულ დამოკლეს მახვილს ვერც აფხაზებმა შებედეს და ვერც რუსებმა.
ახლა კიდევ უფრო უარესს გეტყვით - აქაც სულ ფეხებზე მკიდია, ვინმეს გეწყინებათ თუ არა:
სანამ ის სვანი ბიჭები იყვნენ დალის ხეობაში, ემზარ კვიციანთან და მის ძმებთან, "მონადირის" იქედან გამოყვანაზე ან მის განიარაღებაზე სიტყვა არ დაუძრავთ არც აფხაზებს და არც რუსებს. ხელშეკრულება იყო დადებული და იცავდნენ.
მერე მოვიდნენ გამყიდველი ქართველები და როგორი სულგაყიდული საქმე ჰქნეს იცით?!
დალის ხეობა შეუერთეს აფხაზეთის ავტონომიურ რესპუბლიკას, გააუქმეს "მონადირე" და მოსაკლავად დევნა დაუწყეს ემზარ კვიციანს.
კვიციანმა აფხაზების დახმარებით, იმ აფხაზების, ვისაც გუშინ ებრძოდა, ვისაც დაღუპულ მეომრებს უცვლიდა, აფხაზეთის გავლით, დიდი მტრის მიწაზე გადავიდა. იმათ გუშინდელი მისი დაუძინებელი მტერი კი არ მოკლეს ან კი არ დაატყვევეს - შეიფარეს. შეიფარეს თავისი მოდგმის მიერ ოტებული, სასიკვდილოდ გამეტებული...
დავივიწყოთ დალის ხეობა?!...
თუ არა გვცალია?
თუ ახალი კომუნიზმის, ნატოს იდეაა დღეს მოდური?!...
დავივიწყოთ აფხაზეთი და სამაჩაბლო?!...
მე ვერ დავივიწყებ... ვისაც ვიცნობ ჩემს გარშემო, ჩემები, ვერასოდეს დაივიწყებენ...
არც ისე ცოტანი არიან, ვინც ვერ დაივიწყებს...
თქვენ რა მოგდით მანდ დედაქალაქში?!...
რას დაემგვანეთ, გინდა მთავრობაში და გინდა ტელევიზიაში ამძუვნებული აფთრები...
რას დაემგვანეთ?!...
თქვენ დავიწყებული გაქვთ - გინდათ დაგვავიწყოთ?!
დაკარით ცხვირი!...
სიძულვილით და ბოღმით გატენილი საზოგადოება გინდათ?!
გაიხარეთ, იზეიმეთ - მიაღწიეთ, გაქვთ!
არადა, დალის ხეობაში ვერც მტერმა შესუნა ვერასოდეს და ვერც დაუპატიჟებელმა მოყვარემ.
აფსუს!“ - წერს სოლომონ ნერგაძე
აგრეთვე დაგაინტერესებთ:
⭕ „მეგონა ვნახავდი, რაფერ უხეთქავენ თავებს, რაფერ არიგებენ პროშუტოს“ - სოლომონ ნერგაძე
⭕ გაიცანით, იტალიაში მოღვაწე ქართველი მეცნიერი, სოლომონ ნერგაძე
მთავარი სიახლეები
1789225164
ახალი ამბებითენგიზ შარმანაშვილი: ოპოზიციაში ბრძოლა გაჩაღებულია იმაზე, ვინ დაეპატრონება იმ მცირე თანხებს, რომელიც ფარულად და უკანონოდ შემოდის საქართველოში, ერთმანეთის ჩასაძირად ყველაფერზე წავლენ
„ოპოზიციაში არაფერი ახალი არ ხდება. ბრძოლა გაჩაღებულია იმაზე, ვინ დაეპატრონება იმ მცირე თანხებს, რომლებიც ფარულად და უკანონოდ შემოდის საქართველოში“, – ამის შესახებ „ქართული ოცნების“ წევრმა თენგიზ შარ...
1789221754
მსოფლიოტრამპის თქმით, ჰუსიტებმა სთხოვეს, რომ იემენში მიმდინარე ომში აშშ არ ჩაერიოს
აშშ-ის პრეზიდენტმა დონალდ ტრამპმა განაცხადა, რომ იემენელმა ჰუსიტებმა მას სთხოვეს, რომ ამერიკის შეერთებული შტატები იემენში მიმდინარე სამოქალაქო ომში არ ჩაერიოს. ამის შესახებ ტრამპმა დუბლინში ვიზიტის დრ...
1789219141
ახალი ამბებიგივი მიქანაძემ საქართველოს ეკონომისტთა ეროვნულ სამეცნიერო კონფერენციაში მიიღო მონაწილეობა
სამცხე-ჯავახეთის სახელმწიფო უნივერსიტეტში გაიმართა საქართველოს ეკონომისტთა რიგით მე-8 ეროვნული სამეცნიერო კონფერენცია, რომელშიც საქართველოს განათლების, მეცნიერებისა და ახალგაზრდობის მინისტრმა გივი მიქ...
1789215811
ახალი ამბებირატი იონათამიშვილი: ერთადერთი უნარი, რაც აგენტურულ ოპოზიციას გააჩნია, არის გაქრობის უნარი და ეს რაც უფრო დაჩქარდება, მით უკეთესი იქნება ჩვენი ქვეყნისა და დემოკრატიისათვის
„ერთადერთი უნარი, რაც ამ აგენტურულ ოპოზიციას გააჩნია, ეს არის გაქრობის უნარი და რა თქმა უნდა, ეს რაც უფრო დაჩქარდება და მალე მოხდება, მით უკეთესი იქნება ჩვენი ქვეყნისა და დემოკრატიისათვის“, - ამის შე...
1789213203
ახალი ამბებილევან მაჭავარიანი: ბარამიძის განცხადება ანტისახელმწიფოებრივია და არის საშინელი უპატივცემულობა იმ გმირებისა, ვინც აფხაზეთის ომში იბრძოდა
„გიორგი ბარამიძემ ანტისახელმწიფოებრივი განცხადება გააკეთა. ეს არის საშინელი უპატივცემულობა იმ გმირებისა, ვინც აფხაზეთის ომში იბრძოდა. ძალიან კარგია, რომ ამას სამართლებრივი რეაგირება მოჰყვა“, – ამის შ...
