„მეგონა ვნახავდი, რაფერ უხეთქავენ თავებს, რაფერ არიგებენ პროშუტოს“ - სოლომონ ნერგაძე

იტალიაში მოღვაწე ქართველ მეცნიერს, სოლომონ ნერგაძეს მოლეკულური ბიოლოგიის პარალელურად, კალამიც შესანიშნავად უჭრის და ხშირად, მისი გამორჩეული სიტყვაუხვობით, ინტელექტითა და იუმორის გრძნობით სავსე პოსტებითაც ანებივრებს მკითხველს.

ამჯერად ქართველი მეცნიერი, ქართული პოლიტიკის კვალდაკვალ, იტალიის საარჩევნო ტრადიციებსა და ხალხის არჩევნებისადმი დამოკიდებულების შესახებ მოგვითხრობს.

„ღამე მშვიდობისა, ძვირფასებო, მშვიდობის ღამე, მშვიდობის დღე, მშვიდობის წელიწადები და საუკუნე ყველას!
არჩევნები ჩაუტარებიათ ამათ (იტალიელებს), ათიოდე დღის წინ ჩაუტარებიათ. არ გამიგია არაფერი, თუ დამიჯერებთ.

მეორე ტური დასჭირვებია რამდენიმე ქალაქს. მემარცხენეებმა იმარჯვესო. მემარცხენეებია უნივერსიტეტების უმრავლესობა აქ - ვკითხე თანანშრომელს, მემარჯვენეებს რომ გეემარჯვათ, რას იზამდი-მეთქი?
საჭმელს აუცილებლად შევჭამდიო - კარგი გამოთქმა აქვთ, Mangio lo stesso. მილანი წააგებს - მე მაინც შევჭამო.

მშურს ხალხო, ამათი და ევროპის. ტელევიზორში, თურმე, წყვიტავენ ერთმანეთს მემარცხენეები, მემარჯვენეები, დაცენტრილები, ულტრები. მიდიან და აძლევენ ხმას.

საარჩევნო უბანი იყო ჩემი შვილების სკოლაში. გავიარე კვირას - არჩევნების დღეს.
მეგონა ვნახავდი, რაფერ უხეთქავენ თავებს, რაფერ არიგებენ პროშუტოს (ესენი კარყოფილზე არ წამოეგებიან)... რაფერ არიგებენ სიებით 50 ლირას. არაფერი მსგავსი. ესენი სუ დაჩმორებულან - ერთი ჩხუბი მაინც ექნათ.
მიდიან, აჩვენებენ საბუთს და კიდომ საარჩევნო უფლების ქახალდს, შევლენ კაბინაში, გამოდიან, დებენ კონვერტში და აგდებენ ურნაში. არც გაწევ-გამოწევა, არც წივილ-კივილი. ერთი თალია ვიფიქრე, მეყვირა - ვისაც ჩვენი არეული ცხოვრება არ მოსწონს, მისი დალაგებული ცხოვრების დედაც-მეთქი, მარა გადავიფიქრე. არ გამოვჩნდებოდი კარგად, ევროპის თვალით დანახული. 80% აცრილია. 90%-უმიზნებენ.
მთავრობა ფეხებზე ჰკიდიათ - არ მემეწონები?! გადაგირჩევ.
ჩვენც მივალთ, ალბათ, ამ დონემდე. არადა, გუშინ ესენი ძალიან გაჭირებულები იყვნენ... "ჩოჩარა" ვისაც წაუკითხავს ან უნახავს, მიხვდება.
ჩვენც მივალთ.“ - წერს სოლომონ ნერგაძე.

აგრეთვე დაგაინტერესებთ:

⭕ გაიცანით, იტალიაში მოღვაწე ქართველი მეცნიერი, სოლომონ ნერგაძე

⭕ „კაცის მოთქმა გინახავთ და მოგისმენიათ? რომ იცოდე რა სიამოვნებით გავუცვლიდი ცხრავეს ადგილს!“

⭕ "კახეთიდან კოლონას მაჩალიკაშვილი მოუძღოდა, ახალგაზრდები ცოცხის ქნევით შემოიფარგლნენ, იცოდნენ შვილმკვდარ მამას ელაპარაკებოდნენ"