მიხეილ სააკაშვილი: რუსების შემოსევის შესაჩერებლად, ქუჩებში მობილიზაცია საჭირო - მოსალოდნელია ქართული ბანკების დასანქცირების, ქართველთა დანაზოგების გაქრობისა და საკრედიტო ბარათების დაბლოკვისაც

ექსპრეზიდენტი მიხეილ სააკაშვილი, საქართველოში რუსეთის მოქალაქეების მასობრივად შემოდინების ფაქტს ეხმაურება და აცხადებს:

"სრულად ვუჭერ მხარს ეროვნული თანხმობის მთავრობის შექმნის ინიციატივას, რომელიც წამოვიდა საზოგადოებისგან.

ოღონდ ამას სჭირდება ძალიან დიდი მობილიზაცია ქუჩებში და პარლამენტის შიგნითაც ეს სასწრაფოდ გასაკეთებელია.

თუნდაც რუსების შემოსევის შესაჩერებლად და ასევე ჩვენი ქვეყნის ღირსებისა და რეპუტაციის გადასარჩენად.

ასევე, ქვეყნის სრული იზოლაციის თავიდან ასაცილებლად, ამ მოთხოვნაზე უნდა დავითანხმოთ "ქართული ოცნების" რაღაც ნაწილი მაინც.

ჩვენ მარტო მაშინ შევდგებით საბოლოოდ ერად, თუ „სილქნეტის“ მეხსიერება არ გვექნება.

ჰოდა, გადაახვიეთ ცოტა უფრო უკან, ვიდრე ჩვენი ხელისუფლების მიმტაცებლების განცხადებებია და გაიხსენეთ, შემთხვევით იმ ქვეყნის მოქალაქეები ხომ არ შემოგვყავს უთვალავი რაოდენობით, რომლებიც ათწლეულების განმავლობაში, რუსეთის ქუჩებში გვდევნიდნენ, როგორც „лицо кавказскои национальнасти“, რომლითაც 2008-ში პირუტყვის გადასაყვანი თვითმფრინავებით გამოყარა მრავალი ათასი ქართველი და მათი ოჯახები.

თუ ყველაფერი გავატარეთ და დავივიწყეთ - ელარჯი და მისი ჯანი.

ზუსტად ასევე, რამდენიმე თვის წინ, უკრაინაში ბელარუსის გავლით ოჯახებით ჩავიდნენ.

ფოტოებსაც იღებდნენ.

ხალხს უღიმოდნენ, ბორშს მიირთმევდნენ, მერე როცა ბრძანება მიიღეს, სამალავიდან იარაღი ამოიღეს და იმ ხალხს დაუშინეს, ვისაც გუშინ უღიმოდნენ.

ამ შემოსევის შედეგად, თითოეული ქართველის სიცოცხლე საფრთხეშია.

გარდა ამისა, არის კონკრეტული ზარალი.

რუსების შემოსევაზე რამდენიმე ხელისუფლების დეველოპერი მოითბობს ხელს, მაგრამ დანარჩენი ქართველებისთვის ბინის ფასები მიუწვდომელი გახდება.

დიდია ალბათობა ქართული ბანკების დასანქცირების, ქართველთა დანაზოგების გაქრობისა და საკრედიტო ბარათების დაბლოკვისაც.

რუსეთში პროდუქტების გაგზავნაც შიდა ბაზარზე მათი ფასების მკვეთრ ზრდას გამოიწვევს", - აღნიშნავს მიხეილ სააკაშვილი. 

რუსეთის მოქალაქეები, რომლებიც პუტინის პოლიტიკას არ ეთანხმებიან ტოვებენ რუსეთს და სხვადასხვა ქვეყანაში მიემგზავრებიან, მათ შორის საქართველოში.

რუსეთის მოქალაქეების მასიურ შემოდინებას საქართველოში, ქართველები უმეტესად პროტესტით შეხვდნენ.

სხვა სიახლეები:

🔲 "ერთი მხრივ უკრაინაში დარჩენა და ქმართან ახლოს ყოფნა მინდოდა და მეორე მხრივ 6 თვის შვილის უსაფრთხოებაზე უნდა მეზრუნა"- საბერძნეთში ჩამოსული უკრაინელი ლტოლვილის ემოციური ინტერვიუ

🔲  რუსეთი უკრაინაზე თავდასხმის მიზეზს, მცირეწლოვან ბავშვებს პროპაგანდისტული ანიმაციური ფილმით უხსნის

🔲 "არაფერი უარი არ უთქვამს TBC ბანკს! დღეს ჩვეულებრივად იდგნენ რუსები რიგში, ანგარიშის გასახსნელად“ - სოციალური მედია