რუსეთი უკრაინაზე თავდასხმის მიზეზს, მცირეწლოვან ბავშვებს პროპაგანდისტული ანიმაციური ფილმით უხსნის

რუსეთის ხელისუფლება ანიმაციის სახით გადაღებულ პროპაგანდისტული ვიდეოს მეშვეობით, ცდილობს აუხსნას რუსეთის მცირეწლოვან ბავშვებს, უკრაინაში სამხედრო თავდასხმის მიზეზები და უკრაინელებს "მოძმე ერად" მოიხსენიებს. 

ვიდეოში გადმოცემულია, კიევზე განხორციელებული თავდასხმის მოსკოვის ვერსია, სადაც აღნიშნულია, რომ ეს  დონეცკის და ლუგანსკის სეპარატისტული რეგიონების დასაცავად მოხდა. 

ვიდეოში ნაჩვენებია სკოლის მოსწავლეები, რომლებსაც კრიზისში ჩართული ქვეყნების შესაბამისი მაისური აცვიათ რუსეთი, უკრაინა, აშშ, გერმანია. 

ვიდეოს შინაარსით:

თავიდან თითქოს, ბავშვები რუსეთი და უკრაინა საუკეთესო მეგობრები არიან, ისინი სულ ერთ მერხთან სხედან და რუსეთი ყოველთვის უფრთხილდება უკრაინას, რომ ვინმემ არ დაჩაგროს.

მაგრამ ერთ მშვენიერ დღეს უკრაინა ზურგსა აქცევ რუსეთს და მარტო ტოვებს მას.

ამ სცენით თითქოს გადმოცემულია  1991 წელს საბჭოთა კავშირის დაშლა და კიევსა და ვაშინგტონს შორის დიპლომატიური ურთიერთობების დამყარება.

შემდეგ ვიდეოში ნაჩვენებია დონეცკის და ლუგანსკის სეპარატისტული რეგიონები, სადაც ნათქვამია, რომ:

"უკრაინამ დაიწყო რუსი მოსახლეობის ჩაგვრა, რის გამოც ამ ორ რეგიონს სურდა გამოყოფა და რუსეთთან გაერთიანება, რასაც უკრაინა შეეწინააღმდეგა და ასე  დაიწყო  ომი".

პროპაგანდისტული ვიდეო სრულდება ანტიდასავლური კადრებით, რომლებიც მიმართულია "კარგი" რუსეთისკენ, რომელიც ნებისმიერ კონფლიქტში ყოველთვის "მშვიდობას უჭერს მხარს" . 

"დასავლეთი არ უსმენს რუსეთს, რადგან უკრაინა ყველას ეუბნება, რომ რუსეთს ხალხის მოკვლა სურს.

ჩვენი ქვეყანა ყოველთვის მხარს უჭერს მშვიდობას და ღია მოლაპარაკებებს ნებისმიერ კონფლიქტზე" - ნათქვამი რუსეთის ანიმაციურ პროპაგანდისტულ ვიდეოში.

ასევე საინტერესოა

🔵"ერთი მხრივ უკრაინაში დარჩენა და ქმართან ახლოს ყოფნა მინდოდა და მეორე მხრივ 6 თვის შვილის უსაფრთხოებაზე უნდა მეზრუნა"- საბერძნეთში ჩამოსული უკრაინელი ლტოლვილის ემოციური ინტერვიუ

🔵უკრაინა-რუსეთს შორის მოლაპარაკება თბილისის დროით 18 საათზე დაიწყება

🔵უკრაინისა და რუსეთის საგარეო საქმეთა მინისტრები ერთმანეთს 10 მარტს შეხვდებიან