"მის არსებაში იგრძნობოდა რაღაც არაამქვეყნიური, ჩვენს ცოდვილ დედამიწას განშორებული" - ალა დუდაევა ზვიად გამსახურდიას შესახებ

ჩეჩნეთის რესპუბლიკის პრეზიდენტის ჯოხარ დუდაევის ქვრივი ალა დუდაევა ზვიად გამსახურდიას შესახებ:

"ზვიადი იერითა და თავდაჭერით ძველ დიდგვაროვანს მაგონებდა.

ის გახლდათ უდიდესი ადამიანი, საოცრად გონიერი, თუმცა არასდროს ახდენდა თავისი განსწავლულობის აფიშირებას.

ამასთან ერთად იყო რაღაც იდუმალი, ამოუხსნელი მის თითოეულ მოძრაობაში, სევდიან დუმილში, ნაღვლიან მზერაში;

მის არსებაში იგრძნობოდა რაღაც არაამქვეყნიური, ჩვენს ცოდვილ დედამიწას განშორებული...

უსიტყვოდ, მამაცურად ეწირებოდა ზვარაკად თავის ერს".

საქართველოს პირველი პრეზიდენტი ზვიად გამსახურდია 31 მარტს 83 წლის გახდებოდა. 

სამოქალაქო დაპირისპირების შედეგად, 1992 წლის იანვარში, ზვიად გამსახურდია, საქართველოს პრეზიდენტის თანამდებობიდან გადააყენეს.

დევნილობაში ცხოვრებიდან ერთი წლის შემდეგ, ჩეჩნეთიდან დაბრუნებული გამსახურდია, 1993 წლის 31 დეკემბერს სამეგრელოს რეგიონის სოფელ ძველ ხიბულაში, დღემდე დაუდგენელ ვითარებაში დაიღუპა.

ქვეყნის პირველი პრეზიდენტის ბურუსით მოცული გარდაცვალების საქმის გამოძიება 1993 წელს დაიწყო და დღემდე უშედეგოდ გრძელდება.

2015 წელს საქმეს განზრახ მკვლელობის კვალიფიკაცია მიენიჭა.

მტკიცებულებების დიდი ნაწილი აღარ არსებობს, თუმცა საქმეში დევს რამდენიმე მთავარი მოწმის ჩვენებები, რომლებიც 1993 წლის 31 დეკემბერს სოფელ ძველ ხიბულაში, მაშინდელ პრეზიდენტთან ერთად იმყოფებოდნენ.

მათ შორის არიან დაცვის წევრებიც.

პროკურატურას რეზონანსული საქმის გამოსაძიებლად და ზვიად გამსახურდიას გარდაცვალების გარემოებების დასადგენად ვადა 2024 წლამდე აქვს.

სხვა სიახლეები:

🔵 "ვიღაც მწერდა, ბუჩაში ქართული რესტორანია და თუ აქეთ მოხვდით შემოიარეთო... ამ დილით ისეთი ბახუსი აქვს ყველას, რომ ორი საათია შემჭამეს - ბუჩას შევუტიოთო" - ირაკლი ოქრუაშვილი

🔵 "ამბობენ, დაწვესო, მე გულით არ მინდა ამის დაჯერება. ომი დამთავრდეს, მაინც აღვადგენ" - გუკა რჩეულიშვილის რაჭაში მდებარე სანატორიუმი დაიწვა