მომბაძეთ! ფინანსური ბოიკოტი პიროტექნიკას - რომან გოცირიძე

„ნაციონალური მოძრაობის“ ერთ-ერთი ლიდერი, რომან გოცირიძე, სადღესასწაულო დღეებში, პიროტექნიკის გამოყენებასა და მის შესაძენად გამოყოფილი თანხის გაფლანგვაზე წერს. რომან გოცირიძის შეფასებით, უსაფრთხოებასთან ერთად, მნიშვნელოვანია, ფინანსების დაზოგვა.

"ფეიერვერკი-ყველაზე უაზრო გართობის საშუალება-ხარჯიანი, სახიფათო, დამაბინძურებელი, ხმაურიანი, წამიერი. განსაკუთრებით ცუდია, თუ ზალპის მიცემის პლაცდარმი საკუთარი სახლის ფანჯარა ან აივანია.

როგორც წესი, ასეთი პოსტები ახალი წლის მეორე დღეს იწერება ხოლმე: ეკონომისტები ცაში გასროლილ და ჩინეთის ეკონომიკაში ინვესტირებულ მილიონებზე დარდობენ, ექიმები ამპუტირებულ ხელებზე, მეხანძრეები გასაგებია რაზე (ეროვნულ ბანკში მუშაობის დროს  თანამშრომელს კორპუსში ბინა მთლიანად დაუწვა ფანჯრიდან შემოვარდნილმა მაშხალამ). ჰო და, იმის თქმა მინდა,  რა აზრი აქვს პოსტფაქტუმ შეგონებას, არა სჯობია, ფაქტის მოხდენამდე თქვა რაღაცა? თუ ვინმე შეისმენს, ჰო კარგი, თუ არა და, მე რომ არ ვიყიდი ამ მაშხალას, ესც ხომ საქმეა?:))

არაფერი ისე გადამდები არ არის, როგორც მაგალითიო და იქნებ მართლა გადაედოს ვინმეს.

მომბაძეთ! ფინანსური ბოიკოტი პიროტექნიკას. აკრძალვის იდეა არც კი მოგივიდეთ თავში",-წერს, რომან გოცირიძე.

ასევე დაგაინტერესებთ:

🔵ანტივაქსერები მწერენ გაგანადგურებთო - ექიმი ნანა გეგეჭკორი

🔵ექიმები სააკაშვილს ფსიქიკას უწუნებენ - ირაკლი კობახიძე

🔵კაცობრიობის ისტორიაში პირველად, კოსმოსური ხომალდი მზეს “შეეხო!“