"ომიკრონი" ხანში შესულებსა და ზოგიერთ ადამიანში შეიძლება წავიდეს მძიმედ, ძალიან სწრაფად ვრცელდება - მარინა ენდელაძე

ინფექციური საავადმყოფოს ბოქსირებული განყოფილების ხელმძღვანელი აცხადებს, რომ “ომიკრონი” სწრაფად გავრცელებადი შტამია, რაც შესაძლოა,  ჰოსპიტალური სექტორის ისევ გადატვირთვიოს საბაბი გახდას. მარინა ენდელაძე ამბობს, რომ მიუხედავად „ომიკრონის“ ნაკლებად აგრესიული მიმდინარეობისა, ხანში შესულებსა და ზოგიერთ ადამიანში შეიძლება ვირუსის მიმდინარეობა მძიმედ წავიდეს.

“არის მაღალ კონტაგიოზური, ძალიან სწრაფად ვრცელდება. ამდენად, რა თქმა უნდა, უფრო მეტი იქნება ინფიცირებულების რაოდენობა. კარგია, რომ მონაცემებით ჯერჯერობით არის უფრო მსუბუქად მიმდინარე დაავადება, თუ ეს მართლაც ნამდვილად ასეა. მაგრამ რამდენად მსუბუქადაც მიმდინარე დაავადება არ უნდა იყოს, ხანში შესულებსა და ზოგიერთ ადამიანში შეიძლება წავიდეს მძიმედ, რა თქმა უნდა როდესაც ბევრი იქნება და მძიმე, ჰოსპიტალური სექტორი ისევ გადაიტვირთება,” – განაცხადა მარინა ენდელაძემ.

ცნობისთვის, საქართველოში “ომიკრონის” ორი შემთხვევა დაფიქსირდა. ამასთან დაავადების კონტროლის ცენტრის ხელმძღვანელმა ამირან გამყრელიძემ მოსახლეობას პირბადის გამოყენებისკენ მოუწოდა. მისი თქმით, ახლა მისი გამოყენების მაჩვენებელი – 29%-ს შეადგენს, რაც  90%-მდე უნდა ავიდეს.

ასევე დაგაინტერესებთ:

🔵არ ღირს ბავშვების ერთ მომენტში გახალისების მიზნით მათ მავნე ნივთიერებებით გაჯერებული ჰაერი ვასუნთქოთ - ინფექციონისტი საშიში პიროტექნიკის გამოყენებაზე წერს

🔵ნიკა გვარამიას ოცნება!

🔵8 წლისას მშობლები ავტოავარიით გარდაეცვალა... ბებიაც დარდს გადაჰყვა… - პეტრე კოლხი