„პატარა ქვეყნის პატარა დიქტატორს ესკორტით მიაცილებენ, დიდი დიქტატორის მშობლიურ ქალაქში“ - მაია ნიკოლაიშვილი

„პატარა ქვეყნის პატარა დიქტატორს ესკორტით მიაცილებენ დიდი ქვეყნის დიდი დიქტატორის მშობლიურ, ქართულ ქალაქში“, - ასე გამოეხმაურა ექსპერტი მაია ნიკოლეიშვილი, საქართველოს მესამე პრეზიდენტის, მიხეილ სააკაშვილის გორის სამხედრო ჰოსპიტალში გადაყვანას. 

„თითქმის საუკუნის ინტერვალით, 21 დეკემბერს რატომ შობს ჩვენი ქვეყანა ბობოქარ, ავტორიტარ პიროვნებებს, რომელთაც ერთი ქვეყნის ტერიტორია ეცოტავებათ, პატარა საქართველოს მოქალაქეობას თმობენ და მეზობელ, სლავურ სივრცეს მიელტვიან თვითგანმტკიცებისა და საკუთარი გრანდიოზულობის მანიით შეპყრობილები, და რომელთა მმართველობის ძირითადი ინსტრუმენტი თვალხილული თემიდა და დილეგებში (გლდანი, ლუბიანკა და სხვა) განხორციელებული წამება და სისასტიკეა?!

. . . ღამღამობით ალბათ პატარა, გაუწონასწორებელ დიქტატორს დიდი, დინჯი დიქტატორის აჩრდილი გამოეცხადება, შექსპირისეული ტრაგედიების სტილში, და ბევრ რამეს ჰკითხავს, მათ შორის, მისი ძეგლის დამხობისა და პირქვე დადების შესახებაც”, - წერს სოციალურ ქსელში მაია ნიკოლეიშვილი.

საქართველოს მესამე პრეზიდენტი მიხეილ სააკაშვილი, გლდანის სასჯელაღსრულების მე-18 სამკურნალო დაწესებულებიდან გორის სამხედრო ჰოსპიტალში, 20 ნოემბერს გამთენიისას გადაიყვანეს.

ასევე საინტერესოა:

🔵 მიხეილ სააკაშვილი გორის ჰოსპიტალში გადაიყვანეს

🔵 "გორის კლინიკა გოგა აბრამიშვილის სახელობისა... იცით ვინ არის გოგა? სააკაშვილის მმართველობის მიერ გაგდებული ეროვნული გვარდიიდან" - გამოხმაურებები, სააკაშვილის გადაყვანაზე