რა არის ETIAS? - „რა თქმა უნდა ეს იგივე ვიზაა, ოღონდ გამარტივებული, ახალი ფორმით“ - ზვიად კვაჭანტირაძე

2024 წლიდან ევროპაში მოგზაურობისას სამოგზაურო ავტორიზაცია ETIAS დაგჭირდებათ.

რა არის ETIAS?

ETIAS სამოგზაურო ავტორიზაცია არის ევროკავშირის მიერ შემოღებული ახალი მოთხოვნა. ის ეხება მოგზაურებს უვიზო მიმოსვლით მოსარგებლე ქვეყნიდან, რომლებიც შედიან შენგენის 27 ქვეყნიდან ნებისმიერში.

ETIAS-ის შესახებ ქართველი ისტორიკოსი, პოლიტიკოსი, საქართველოს მე-8 და მე-9 მოწვევის პარლამენტის წევრი ზვიად კვაჭანტირაძე, საკუთარ მოსაზრებას გამოთქვამს: 

„ბიუროკრატია მუდმივად მახათის ძიებაშია. რა თქმა უნდა ეს იგივე ვიზაა, ოღონდ გამარტივებული, ახალი ფორმით. არ უნდა გაგვიკვირდეს, რომ სულ ბევრ და ბევრ ადამიანს შეექმნას პრობლემა. ეს ძალიან ცუდია. ძალიან. პრაქტიკულად გამორიცხავს სასწრაფოდ გაფრენას შენგენის ზონაში. ჯერ კიდევ უცნობია რა ჯანდაბას ჩადებენ შიგნით. თუ ჩაიდო, რომ აუცილებლად, წინასწარ უნდა მიუთითო კონკრეტული ვადები, ეს ხომ საერთოდ კატასტროფაა.

მეორე მხრივ, მესმის ევროკავშირის. უკვე წარმოუდგენელია ამხელა ემიგრაციის ატანა. ამას ყველაფერს ავცდებით, თუ 2023 წლის ბოლომდე კანდიდატის სტატუსს მივიღებთ, მაგრამ მივიღებთ? ყველაფერს აკეთებენ, რომ არ მივიღოთ. ამას გარდა, იმ ემიგრანტების გამკვირვებია, ვინც ცხოვრობს და მუშაობს ევროპაში და ფეისბუკზე ლანძღავენ ევროკავშირს და უკრაინის ლანძღვით იქაფებენ პირს. ასეთების შემყურე ხანდახან ვფიქრობ, ღირსები ვართ კი ევროკავშირის წევრობის?“ - წერს ზვიად კვაჭანტირაძე.

აგრეთვე დაგაინტერესებთ:

📌 ევროკავშირში მგზავრობის მსურველთა საყურადღებოდ!!!

📌 რა არის ETIAS? - უვიზო მიმოსვლით მოსარგებლე ქვეყნიდან ევროპაში მოგზაურობთ?