რამე არ შეგეშალოთ! - ყელგამოჭრილი დედა-შვილის მეზობლებს, სავარაუდო დამნაშავე ემუქრება

საეჭვო ვითარებაში გარდაცვლილი დედა-შვილი - მოპოვებულია აუდიოჩანაწერები, საიდანაც ირკვევა, რომ ხაშურში ემუქრებიან ადამიანებს, რომლებიც მედიასთან ძალადობის ფაქტებზე ალაპარაკდნენ. შშმ პირებზე მოძალადე მეზობლების ნაწილს გაჩუმებას აიძულებს, მეორე ნაწილს კი პირადი ცხოვრებით აშანტაჟებს. ყველა მათგანი გარდაცვლილი დედა შვილის საქმეზე ოქროს მოწმეა.

ერთ-ერთი თვითმხილველის ინფორმაციით, მას დაჩი ტაბატაძე მეუღლის სოციალური ქსელის მეშვეობით ღიად დაემუქრა და გაჩუმება მოსთხოვა. მან ხმოვანი შეტყობინებები "პირველებს" მიაწოდა.

"ამხელა ქალი ხარ და მეტი მოთმინება იქონიე, გაიგე შენ? რამე მართლა არ შეგეშალოს შენ! ჩემი ოჯახის სახელს რომ ახსენებ, პირი გამოირიცხეთ, გაიგე? სპირტი იხმარეთ პირში და ისე ილაპარაკეთ! არ გრცხვენიათ მაინც? თქვენ რაც გინდათ, მაგას ვერ მოესწრებით ვერასდროს, მაგრამ მე გაგიკეთებთ მაგას, თქვენ რაც გინდათ! აი, თქვენ ნახავთ, მართლა!", - ამბობს ტაბატაძე ჩანაწერში. 
ინფორმაციის გადამოწმება  "პირველებმა" თავად დაჩი ტაბატაძესთან სცადა, თუმცა ის მედიასთან არ ჩნდება.

ხაშურში 50 წლამდე მამაკაცს ყელი გამოჭრეს, მოგვიანებით კი დედამისი საეჭვო ვითარებაში გარდაცვლილი ნახეს.

გარდაცვლილები შშმ პირები არიან.

შემთხვევა ორი დღის წინ მოხდა, როდესაც დედამ, რომელიც ჯერ კიდევ ცოცხალი იყო, შვილის, 50 წლის მურთაზ მაჩხაშვილის ყელგამოჭრილი ცხედარი აღმოაჩინა. მომხდართან დაკავშირებით მოხუცი ქალი პოლიციამ გამოჰკითხა. მოგვიანებით მეზობლებმა ქალის გარდაცვალების შესახებაც შეიტყვეს. ვენერა ღონღაძე ღამის 12 საათზე ერთ-ერთ ცენტრალურ ქუჩაზე საეჭვო ვითარებაში გარდაიცვალა.

პოლიციამ საქმე თვითმკვლელობის მუხლით დაიწყო, თუმცა მეზობლები ამტკიცებენ, რომ ვენერა ღონღაძე და მურთაზ მაჩხაშვილი მოკლულები არიან. მეორე ვერსიით, არ გამორიცხავენ თვითმკვლელობამდე მიყავანსაც.

მეზობლები მედიასთან ჰყვებიან, რომ რამდენჯერმე შეესწრნენ ფაქტს, თუ როგორ ძალადობდა ახალგაზრდა მამაკაცი დაჩი ტაბატაძე შშმ პირებზე. მათ თქმით, იყო შემთხვევა, როდესაც 50წლის მამაკაცი გარბოდა და შველას ითხოვდა. ის გარკვეული პერიოდით თავს მეზობელსაც კი აფარებდა.

გარდაცვლილი დედა-შვილის ცოტა ხნის წინ დაკრძალეს.

წყარო: ტვ პირველი

ასევე დაგაინტერე­­­­სებთ:

🔵 პოლიციამ უკანონო ცეცხლსასროლი იარაღები და საბრძოლო მასალა ამოიღო - დაკავებულია 3 პირი

🔵5 წლის ბიჭი, რომელიც ჭაში ჩავარდა, გარდაიცვალა (ფოტო/ვიდეო)

🔵31 წლის ბიჭი, რომელმაც კოვიდი გადაიტანა, ერთ კვირაში თრომბით გარდაიცვალა… - მამა პეტრე