რომ ჩაიდინა დანაშაული, განა რისკები არ ჰქონდა გათვლილი? – ჰქონდა, მაგრამ, რაღაცების და ვიღაცების იმედი ჰქონდა - ირაკლი კობახიძე ნიკა გვარამიაზე

სხვათა შორის, გვარამიამაც რომ ჩაიდინა ის დანაშაული, განა რისკები არ ჰქონდა გათვლილი?! ჰქონდა, მაგრამ როცა იმ დანაშაულს ჩადიოდა, რაღაცების და ვიღაცების იმედი ჰქონდა. მათ შორის, თავისი სტატუსის, მაგრამ როცა ადამიანები დაინახავენ, რომ კანონი სათანადოდ სრულდება და პასუხისმგებლობისგან ვერც ერთი სტატუსი ვერ გაათავისუფლებს, მაშინ უკვე გადახედავენ საკუთარ განზრახვებს და მომავალში ასეთ დანაშაულებს აღარ ჩაიდენენ“ – ამის შესახებ პარტია „ქართული ოცნების“ თავმჯდომარე ირაკლი კობახიძემ გადაცემაში „დღის თემა“ სტუმრობისას განაცხადა.

„ამოგიღებთ 2012 წლიდან მოყოლებული უამრავ ასეთ განცხადებას, იმავე გვარების, იმავე სუბიექტების და ა.შ. თქვენ გახსოვთ, ახალი შეცვლილი იყო ხელისუფლება და როგორ პირდაპირ მიუთითებდნენ, რომ კანონი არ აღსრულებულიყო, თან, ბევრად მაღალ დონეზე, აქ არანაირი მაღალი დონე არ არის, პრინციპში. მახსოვს ბაროზოს განცხადება იყო, მაგალითად. იყო იგივე რიშის და მისი კოლეგა სენატორების, ევროპარლამენტარების და ა.შ. განცხადებები იმასთან დაკავშირებით, თურმე, ხელისუფლებას არც ერთი პოლიტიკოსისთვის ხელი არ უნდა მოეკიდა. 2012 და 2013 წელს ხდებოდა ეს ყველაფერი. ხელი არ მოკიდოთ არავისო, აცხადებდნენ. იმ ხელისუფლების მიერ უამრავი დანაშაული იყო ჩადენილი და პირდაპირ გვიკრძალავდნენ კანონის აღსრულებას, თუმცა ამას არ გავყევით მაშინ და არც დღეს არ გავყვებით. როდესაც დამნაშავეზე გეუბნებიან, რომ არ უნდა დაისაჯოს, ჩვენ ქვეყანა არ ვართ, სახელმწიფო არ ვართ, თუ რა?! ჩვენ არ ვიმსახურებთ სამართლის უზენაესობას, თუ მარტო განვითარებული ქვეყნების ფუფუნებაა სამართლისა და კანონის უზენაესობა?! კანონი ამ ქვეყანაში არ უნდა აღსრულდეს?! 2012 წელსაც ამას ითხოვდნენ, 2013 წელსაც, წელსაც ამას ითხოვენ და შუაშიც ასე იყო, მაგრამ კანონი სადაც არის აღსასრულებელი, ყველგან აღსრულდება, რადგან ეს არის სახელმწიფო“, – განაცხადა ირაკლი კობახიძემ.

მისი თქმით, სახელმწიფოში თუ იციან, რომ კანონი ვერ სრულდება, ბუნებრივია, ეს ძალიან მძიმე ტენდენციის სახეს იღებს.

„სხვათა შორის, გვარამიამაც რომ ჩაიდინა ის დანაშაული, განა რისკები არ ჰქონდა გათვლილი? ჰქონდა, მაგრამ როცა იმ დანაშაულს ჩადიოდა, რაღაცების და ვიღაცების იმედი ჰქონდა. მათ შორის, თავისი სტატუსის, მაგრამ როცა ადამიანები დაინახავენ, რომ კანონი სათანადოდ სრულდება და პასუხისმგებლობისგან ვერც ერთი სტატუსი ვერ გაათავისუფლებს, მაშინ უკვე გადახედავენ საკუთარ განზრახვებს და მომავალში ასეთ დანაშაულებს აღარ ჩაიდენენ“, – განაცხადა ირაკლი კობახიძემ.

ასევე წაიკითხე:

🔵ნიკა გვარამია ჯერ „თავისუფალი“ და „კრიტიკული“ ჟურნალისტი კი არ იყო, იყო გენპროკურორი, რომელიც გამოდიოდა და „იმედის“ დახურვას და რეიდის ჩატარებას ამართლებდა - ნიკა გვარამია

🔵ფრონტის ხაზიდან უფრო მეტი კარგი ამბავია, ვიდრე ცუდი! - ბუკა პეტრიაშვილი

🔵ვინ რამდენი წელი ცოცხლობს ზოდიაქოს ნიშნის მიხედვით? - ეს საინტერესოა