„სააკაშვილის "პროგრამა" წავიკითხე, ცხვრის ფარა ჰგონია ხალხი“ - თამარ ჩერგოლეიშვილი

ჟურნალ „ტაბულას“ დამფუძნებელი თამარ ჩერგოლეიშვილი მიხეილ სააკაშვილის ეკონომიკურ ხედვას ეხმიანება:

„სააკაშვილის "პროგრამა" წავიკითხე.

პოლიტიკაში მონოპოლიები უნდა აიკრძალოსო - ვისაც ბევრი ფული აქვს, პოლიტიკის დაფინანსება უნდა აეკრძალოსო.

ახლა სააკაშვილი ოპოზიციაშია და ინფორმაციის გავრცელებაზე აქვს დამყარებული მონოპოლია.

ამისთვის იყენებს ყველანაირ რესურსს, რაც დარჩა.

ყველას აქრობს მას დაქვემდებარებული მედიებიდან მის გარდა, რომ ხელოვნურად შეინარჩუნოს პირველობა და სხვა არავინ გაძლიერდეს.

მთელი ოპოზიციური ტელემედია მონოპოლიზებული აქვს, 2014 წლიდან (ტაბულა ვერ გააქრო, ყველაფერი სცადა) მისი კონტროლის მიღმა აქტორების გაქრობას ცდილობს, მისი მედიების გამოყენებით და მთავრობაში რომ მოვალ მონოპოლიებს ავკრძალავო.

 ცხვრის ფარა ჰგონია ხალხი.“ - წერს „ტაბულას“ დამფუძნებელი.

მიხეილ სააკაშვილმა ფეისბუკის საკუთარ გვერდზე, დღეს საკუთარი ეკონომიკური ხედვა წარადგინა. ქვეყნის მესამე პრეზიდენტი წერს, რომ: „სიღარიბის და უმუშევრობის დაძლევა, ნამდვილად არ არის მითი. ჩვენ შეგვიძლია, ჩვენს სამშობლოში ვიცხოვროთ ღირსეულად და ბედნიერად. და ჩვენ ეს აუცილებლად უნდა გავაკეთოთ.“

ასევე საინტერესოა:

🔵 სუს-მა გორში ბიტკოინების ქარხანას მიაგნო - მაინერები გორის მერიის თანამშრომელს ეკუთვნოდა

🔵 „ბუსტერ“ დოზა კლინიკაში მოხვედრის რისკს 95%-ით ამცირებს - ბიძინა კულუმბეგოვი

🔵 გარდაბანში ქორწილის შემდეგ პატარძლის ნათესავებმა სიძის ოჯახის წევრები სცემეს, მათ შორის ბავშვი