შალვა პაპუაშვილი: მისასალმებელია მილოცვის წერილი, რომელიც პრეზიდენტ ტრამპისგან მიხეილ ყაველაშვილის მისამართით იყო გაგზავნილი და მილოცვასთან ერთად განსაკუთრებით მნიშვნელოვანია შინაარსი, რომელიც ჩადებული იყო ამ მილოცვაში

საქართველოს პარლამენტის თავმჯდომარე აშშ-ის პრეზიდენტის დონალდ ტრამპის მიერ საქართველოს პრეზიდენტისთვის, მიხეილ ყაველაშვილისთვის გამოგზავნილ, დამოუკიდებლობის დღის მილოცვის წერილს გამოეხმაურა. მან აღნიშნა, რომ ეს წერილი და მისი შინაარსი მისასალმებელია.

„უპირველეს ყოვლისა, მისასალმებელია ის მილოცვბის წერილი, რომელიც პრეზიდენტ ტრამპისგან საქართველოს პრეზიდენტ მიხეილ ყაველაშვილის მისამართით იყო გაგზავნილი და მილოცვასთან ერთად განსაკუთრებით მნიშვნელოვანია ის შინაარსი, რომელიც ჩადებული იყო ამ მილოცვაში - ხაზგასმული იყო საქართველოს მთავრობასთან თანამშრომლობის სურვილი და სხვადასხვა სფეროში, მათ შორის ეკონომიკის სფეროში თანამშრომლობის გაძლიერების სურვილი. ზუსტად ეს არის, რაზეც ჩვენ ვსაუბრობდით და ვფიქრობ, ეს არის კარგი სიგნალი.

რაც შეეხება საელჩოს დღევანდელ პოსტს, რომელიც ფეისბუქზე ვიხილეთ - პრეზიდენტ ტრამპის მილოცვის შემდეგ ეს განცხადება ცოტა არ იყოს, უცნაურია - როგორც თვითონ საუბრობენ, რამდენიმე დღის წინანდელი ამბავს, მაინც და მაინც პრეზიდენტ ტრამპის უშუალო მილოცვის მეორე დღეს გამოეხმაურნენ, უფრო სწორად, ამ საკითხს მიაყოლეს ეს განცხადება”, - განაცხადა შალვა პაპაშვილმა.