თბილისის საქალაქო სასამართლომ ლევან ზურაბაშვილს 7 წლიანი პატიმრობა შეუფარდა

"თბილისის საქალაქო სასამართლომ ლევან ზურაბაშვილს 7 წლიანი პატიმრობა შეუფარდა", - ინფორმაციას სააგენტო "მაუწყებელი" ავრცელებს.

"ზურაბაშვილი სათამაშო ხელყუმბარით თბილისში წერეთლის გამზირზე მდებარე მიკროსაფინანსო ორგანიზაცია „ემ-ბი-სის“ ოფისში 2020 წლის 20 ნოემბერს შეიჭრა და რამდენიმე ადამიანი მძევლად აიყვანა.

მისი მიზანი პოლიტიკური მოთხოვნების გაჟღერება იყო, რისი სივრცეც ქვეყნის ძირითადი მედია საშუალებებით არ მიეცა.

თუმცა მან „ფეისბუკ“-LIVE-ის საშუალებით ადგილიდან 3 მოთხოვნა მაინც გააჟღერა:

აიკრძალოს ყოველგვარი აზარტული თამაშები;

ბანკებს სესხზე მხოლოდ 7%-იანი წლიური განაკვეთის დაწესების უფლება მიეცეთ და ყველა მსესხებელს გადაუტანონ სესხი 7%-ში;

შემცირდეს წამლების ფასი, ფარმაცევტულ კომპანიებს მხოლოდ 10%-იანი მოგების უფლება მიეცეთ.

შეჭრის შედეგად არავინ დაშავებულა.

მეტიც, ზურაბაშვილის ამგვარმა გამოხმაურებამ, ქვეყანაში არსებულ ძირითად პრობლემებზე და უსამართლობაზე, სახალხო მხარდაჭერა და სოლიდარობა დაიმსახურა.

მისი გათავისუფლების მოთხოვნით სოციალურ ქსელებში აქტიური კამპანია დაიწყო, რასაც მის სასამართლო პროცესზე მხარდამჭერი აქციაც მოჰყვა.

დღევანდელი გადაწყვეტილების სამართლიანობას, საზოგადოების დიდი ნაწილი ეჭვქვეშ აყენებს", - აღნიშნულია ინფორმაციაში.

სხვა სიახლეები:

🔵 "სანამ ინსულტი არ მხევს ამ არნახული ტრაგედიის ნიადაგზე მანამდე უნდა პოსტოთ და პოსტოთ?" - რას წერს ირინა სარიშვილი გია ბაღაშვილსა და მის ცოლზე

🔵 "ჟენევაში სწრაფი ტესტი 12 ლარი ღირს, ხელფასი კი 12,900 ლარია" - რა ინფორმაციას აქვეყნებს გიორგი ფხაკაძე

🔵 ბელარუსის პრეზიდენტი ოკუპირებული აფხაზეთისა და ცხინვალის რეგიონის დამოუკიდებლობის აღიარებას არ გამორიცხავს