თხრის მარიუპოლში ქალი საფლავს, სახელდახელოდ შეკონილ ჯვარსაც გულდაგულ არჭობს ახლადმიყრილ მიწაში - ნინო თარხნიშვილი

ჟურნალისტი ნინო თარხნიშვილი, ფეისბუკზე წერს, უკრაინის ქალაქზე მარიპოლზე და იქ მცხოვრებ ქალებზე, რომლებსაც ცხოვრება ომის ჯოჯოხეთში უწევთ.

„თხრის მარიუპოლში ქალი საფლავს, მარჯვედ იქნევს ნიჩაბს.

სახელდახელოდ შეკონილ ჯვარსაც გულდაგულ არჭობს ახლადმიყრილ მიწაში, იწერს პირჯვარს და მიდის.

ზუსტად ისეთი რუტინით ასრულებს ამ საქმეს,  როგორც, მაგალითად, თებერვლის შუა რიცხვებში, იჯდა ოფისში და ექსელის ფაილში ბანალური მონაცემები შეჰყავდა.

ან ცალი ხელით პურს ხუხავდა, ცალით - ყავას ისხამდა და სამსახურში გასაქცევად ემზადებოდა.

თავშესაფარში ჩასვლამდე, იქვე, ქუჩის კუთხეში, შეიძლება კიდევ ერთ გვამს გადააწყდეს, ან ორს ან სამს,

თუ ძალა ეყო, იმათაც გაუთხრის საფლავს, თუ არადა, ქურთუკებს გახდის და სახეზე მიაფარებს.

თუნდაც ერთი წუთით რომ წარმოიდგინო თავი მათ ადგილას, რომ დილით, მაღვიძარა კი არა, საგანგაშო სირენის ხმა გაღვიძებს.

რომ სამსახურში კი არა, თავშესაფარში გარბიხარ.

რომ საღამოს შენ საყვარელ ტახტზე კი არა, ბეტონზე დაფენილ ოთხად გაკეცილ საბანზე იბუზები და სახლის ყვავილების მიწას კი არა, საფლავს ჩიჩქნი.

ვერ წარმოიდგინე, ხო?

ვერც იმათ წარმოედგინათ.

ორი წელი ხო პანდემიაზე გადაღებულ საშინელებათა ფილმს ვუყურეთ. ახლა ომის რიგია. უბრალოდ, ვისაც სისხლების გეშინიათ, ნუ შეხედავთ.

ასევე დაგაინტერე­­­­სებთ:

🔵სააკაშვილმა, 2008 წელს ჯერ გაგვხვია უბედურებაში და მერე თურმე აგვარიდა უბედურებას - ლადო სადღობელაშვილი

🔵რუსულ-უკრაინული მოლაპარაკებების სამ მონაწილეს ქიმიური მოწამვლის სიმპტომები აღენიშნებოდა, მათ შორის იყო რუსი ოლიგარქი რომან აბრამოვიჩი

🔵"რამდენიმე ხნის წინ ასტროლოგიური პროგნოზის გამო "ნაცად" გამომაცხადეს, რა გიკვირთ? ანუ ტიპებს ვარსკვლავების განლაგება არ მოეწონათ" - რამაზ გიგაური